ОХУ-ын Ерөнхийлөгч Владимир Путин цэргийн хэсэгчилсэн дайчилгаа дууслаа гэж мэдэгдэв. Энэ тухай Кремлийн сайтад мэдээлсэн байна.
2022 оны 10 дугаар сарын 28-нд ОХУ-ын Батлан хамгаалахын сайд Сергей Шойгу хэсэгчилсэн дайчилгааны арга хэмжээ дууссан тухай Владимир Путинд тайлагнасан юм.
Түүний хэлснээр, одоо 218,000 иргэн сургалтын талбайд бэлтгэл хийж байгаа бөгөөд 82,000 иргэн сургалтаа дуусгаад цэргийн тусгай ажиллагааны бүс рүү явж, 41,000 гаруй хүн анги нэгтгэлийн бүрэлдэхүүнд ажиллаж байна
Дайчлагдсан оросуудын дундаж нас 35 байна гэж сайд хэлэв.
Харин үүнтэй зэрэгцэн 2022 оны арваннэгдүгээр сарын 1-ний Мягмар гарагаас ОХУ-д цэргийн жинхэнэ албанд татагдах намрын цэрэг татлага эхэллээ. Цэрэг татлагыг ихэвчлэн 10 дугаар сарын 1-нд эхэлдэг байсан ч энэ жил нэг сараар хожуу эхэлж байна.
Энэ намар 120 мянган цэрэг татахаар төлөвлөж байна. Тэднийг тусгай ажиллагааны бүс рүү явуулахгүй гэж амласан. Цэрэг татлагад 18-27 насны оросуудад хамаарна.
Оросын армид цэргийн алба хаах хугацаа 12 сар байна. Үүний зэрэгцээ дүйцүүлэх байдлаар 18 сар 21 сар иргэний байгууллагад алба хаадаг.
Эх сурвалж: Лента.ру
