Байгаль орчин, аялал жуулчлалын сайд Б.Бат-Эрдэнэ, дэд сайд Г.Түвдэндорж, Төрийн нарийн бичгийн дарга Э.Баттулга нар өнөөдөр 100 хоногийн ажлын тайлангаа танилцууллаа.
Энэ үеэр Байгаль орчин, аялал жуулчлалын сайд Б.Бат-Эрдэнэ, “Бүгд Найрамдах Солонгос Улсын аялагчдыг визийн шаардлагаас чөлөөлөх Засгийн газрын тэмдэглэл гарсан. Ирэх долоо хоногт бид БНСУ-д ажиллахаар төлөвлөсөн. Бид монгол иргэд болон бизнесийн байгууллагуудыг визний ямар горимд шилжүүлэх талаар хэлэлцэж байна. Өмнөд Солонгосоос ойрын гурван жилийн дотор хамгийн багадаа 577 мянган жуулчин ирэх боломжтойг Элчин сайдын яамнаас хэлсэн” гэв.
