Хувийн таарамжгүй харилцаа болж, хүний амь хөнөөсөн ноцтой хэрэг гарчээ.
Уг хэрэг аравдугаар сарын 31-ны 00:54 цагт цагдаагийн байгууллагын шуурхай утсанд “Сонгинохайрхан дүүргийн дугаар хороонд айлын хашаанаас эрэгтэй хүн өлгөгдөж, нас барсан байна” гэх дуудлага иржээ. Дуудлагын дагуу тус дүүргийн цагдаагийн албан хаагчид очиход 47 настай эрэгтэй гадны нөлөөтэй нас барсан байжээ. Талийгаачийг 37 настай эрэгтэй Г нь хутгалж, амийг нь хөнөөсөн нь урьдчилсан байдлаар тогтоогдоод байгаа аж. Архидан согтуурсан үедээ 47 настай эрэгтэйн амийг нь хөнөөгөөд талийгаачийн цогцсыг хашаанаас өлгөж, хаясан байжээ. Цагдаагийн алба хаагчид шуурхай ажиллаж, сэжигтэй Г-г илрүүлж, баривчилжээ.
