АНУ-ын оршин суугчдын бараг 20% нь ямар нэгэн сэтгэцийн эмгэгтэй байдаг. Үүнийг Mental Health Americaн байгууллагаас гаргасан статистик нотолж байна.
Ерөнхийдөө АНУ-д зөвхөн сэтгэцийн өвчтэй 50 сая орчим хүн бүртгэгдсэн байдаг бөгөөд энэ нь 20 америк хүний нэг нь сэтгэцийн бүр хүнд хэлбэрийн эмгэгтэй байдаг гэсэн үг аж.
Түүнчлэн насанд хүрэгчдийн 8 орчим хувийн сэтгэцийн асуудал нь хар тамхины хэрэглээтэй шууд холбоотой болохыг баталж байгаа бөгөөд энэ хувь нь залуучуудын дунд маш өндөр байна.
АНУ-ын хүн амын сэтгэцийн эрүүл мэндийн газрын зураг дээр хамгийн түгшүүртэй нөхцөл байдал Юта мужид байгаа бөгөөд оршин суугчдын 27% нь сэтгэцийн асуудалтай байдаг. Энэ талаараа харьцангуй гайгүй нь АНУ-ын өмнөд хэсэгт байрладаг чинээлэг нутаг дэвсгэрүүд бөгөөд тухайлбал, Флорида, Техас, Хавай муж юм. Хари хамгийн бага үзүүлэлттэй нь Нью Жерси бөгөөд энэ мужийн хүн амын "зөвхөн" 16% нь сэтгэцийн эмгэгтэй байдаг.
Сүүлийн хэдэн жилд сэтгэцийн бэрхшээлтэй орон гэргүй хүмүүсийн үйлдсэн гэмт хэргийн тоо гайхалтай хурдацтай өсөж байгаа Нью-Йорк, Калифорни мужийг уламжлалт байдлаар "эзлэн суудаг" олон зуун мянган орон гэргүй хүмүүсийг энэ тайланд багтаасан эсэх нь тодорхойгүй байна.
АНУ-ын Батлан хамгаалах яам Пентагоны цэргийн хотхонд байрладаг бага, дунд сургуулиудын номын сангуудад шалгалт хийхэд илэн далангүй садар самуун агуулгатай ном байсан нь олныг гайхшруулсан тухай өмнө нь мэдээлж байсан юм.
Эх сурвалж: АиФ
