2023 оны 2-р сард Энэтхэг улс Гаганяан (санскрит хэлнээс орчуулбал - "Тэнгэрийн хөлөг") нэртэй өөрийн нисгэгчтэй сансрын хөлгийнхөө нислэгийн туршилтыг эхлүүлэхээр төлөвлөж байна. Энэ тухай Энэтхэгийн сансрын судалгааны байгууллагын нисэгчтэй нислэгийн төвөөс иш татан ТАСС мэдээлэв.
Дели 2023 оны 12-р сард "Гаганяан"-ыг автомат горимоор дэлхийн нам өндрийн тойрог замд илгээх бөгөөд үүнээс өмнө дор хаяж 17 нислэгийн туршилт хийхээр төлөвлөж байна.
"News" сувгийн мэдээлснээр, Энэтхэгийн тал "Гаганяан" сансрын хөлгийг бүтээхэд Орос болон бусад улс тусалж байгааг тэмдэглэжээ.
Одоогоор сансрын хөлгийн нисэгчдийн амьдрах өрөө тасалгааны зураг төслийг боловсруулж дууссан гэж тэмдэглэжээ. Түүнийг зургаан сарын дотор хийхээр төлөвлөж байна.
Энэтхэгийн талын мэдээлснээр, "Гаганяан" хөлгөөр нислэг хийх сансрын нисэгчдийн багт нэр дэвшигчид ОХУ-д бэлтгэл сургуулилтад хамрагдсан бөгөөд одоо Энэтхэгт сургалтаа үргэлжлүүлж байна.
"Роскосмос"-ын ерөнхий захирал асан Дмитрий Рогозин дөрөвдүгээр сард мэдэгдэхдээ тус төрийн корпорац нь Хятад, Энэтхэг, Латин Америк, Африк, Зүүн өмнөд Ази болон сансарт тэмүүлэх амбицтай бусад орнуудтай харилцаагаа хөгжүүлэхээр төлөвлөж байна гэж байв .
Эх сурвалж: Лента.ру
