Голын эрэг дэх тансаг эдлэнгээ Жонни Депп зарах болжээ. Тэгвэл тус хаусанд Жонни экс эхнэр Амбер Хердтэй амьдардаг байсан ба маргалдаанаас болж хуруугаа маш хүнд гэмтээсэн түүхтэй. Даймонд толгой гэгддэг нэртэй голын эрэг дээрх 10 унтлагын өрөө, 10 угаалгын өрөөтэй үл хөдлөх хөрөнгөнд тогтсон үнэ хэлээгүй ч 40 сая ам.доллараар зарагдах төлөвтэй байна.
Амир Миан Престижийн жагсаалтад багтсан хаус нь 18 га эдлэн газартай бөгөөд 628 метр урттай. Тус үл хөдлөх хөрөнгө нь бүрэн хэмжээний теннисний талбай, усан онгоцны зогсоол, мөн нисдэг тэрэгний зогсоол болгон ашиглах боломжтой 400 м.кв бетон талбайтай. Депп, Херд нар 2015 онд харшдаа хэрэлдэж, улмаар архины шил Херд Депп рүү шидэж, хурууг нь тасалсан гэдэг.
"Карибын тэнгисийн дээрэмчид" киноны 58 настай гол дүр Жонни болон түүний экс эхнэр хоёрын шүүх хурал өдгөө өрнөж байгаа ба Жонни тус тансаг харшдаа дахин амьдрах хүсэлгүй байна гэжээ.
