УИХ-ын чуулганы нэгдсэн хуралдаан үргэлжилж байна. Хуралдаанаар “Төрөөс мөнгөний бодлогын талаар 2023 онд баримтлах үндсэн чиглэл батлах тухай” Улсын Их Хурлын тогтоолын төслийг хэлэлцэж байна. Энэ үеэр УИХ-ын гишүүн Ц.Туваан үг хэллээ.
Тэрбээр “Лхагвасүрэн ерөнхийлөгч өө, удирдлагын багийнхаан. Төв банкны хараа чинь муу байна шүү, бууны чинь овоо хараа хөдөлчихжээ. Онилоод байгаа инфляцаа онохгүй байна аа. Нэг дээр онож болдог инфляц шүү. Тэр 6,8 хувь руугаа онох ажлаа сайн ийгээрэй. Инфляц иргэдийн хармаа тор хоёрыг маш хүнд оноод байгаа шүү. Энэ дээр та бүхэн толгойгоо өдөр шөнөгүй ажиллуулах ёстой. 100 мянган төгрөгт авдаг юм гэж бараг байхгүй болоод байна шүү. Үүнийг хатуу хэлчихье” гэв.
Г.Бүжинлхам