УИХ-ын ээлжит чуулган үргэлжилж байна. Энэ үеэр Монголбанкны ерөнхийлөгч Б.Лхагвасүрэн мөнгөний ханш, тэнцвэрт байдлын талаар мэдээлэл өглөө.
Тэрбээр” Монгол Улсын валютын нөөцийг нэмэгдүүлэхийн тулд бүхий л бодлогоо чиглүүлж байгаа. Нөөцөө гамнах, бууруулахгүй байх талаасаа илүү анхаарч байна. Америкийн Нэгдсэн Улсын долларын өгөөж нь бараг 4 хувьд хүрч байгаа учраас бүх улсын валютын эсрэг Америкийн доллар маш чангаралттай байна. Монгол төгрөг 18 хувь суларсан байхад манай төгрөгөөс илүү Европын Евро, Английн фунт зэрэг мөнгөн тэмдэгт илүү сулралттай байна. Тэгэхээр тэнцвэрт ханшийг хадгалахад төгрөг бол бүр илүү сулрах ёстой юм шиг байдалтай байна. Мэдээж Монголбанк бодлогын хүүг 12 болгож байгаа нь төгрөгийн өгөөжийг нэмэх зорилготой. Нэгдүгээрт, мөнгөний бодлогыг хатууруулж байгаа мөртлөө нөгөө талдаа хадгаламжийн хүүг өсгөх орон зайг гаргаж өгч байна гэдэг нь төгрөгийн өгөөжийг нэмэх зорилготой гэж ойлгож болно.
Г.Бүжинлхам