Украины Ерөнхийлөгч Владимир Зеленский өөрийн Telegram сувгаар дамжуулан Их Британийн шинэ Ерөнхий сайд Риши Сунакийг Украинд урьсан тухайгаа мэдэгдлээ. Төрийн тэргүүн видео мессеж бичихээсээ өмнө Сунак руу залгаж ярьсан гэж хэлэв. Үүний зэрэгцээ тэрээр боломжит айлчлал хэзээ болох, Их Британийн засгийн газрын тэргүүн урилгыг хүлээн авсан эсэхийг тодруулаагүй байна.
Тэрбээр "Би Их Британийн шинэ Ерөнхий сайд Риши Сунактай ярилцсан. Ерөнхий сайдыг Украинд айлчлахыг урьсан” гэж Зеленский хэлэв.
Сунак хариуд нь Киев Лондонгийн тусламжид найдаж болно гэж хэлснийг Зеленскийг баталжээ.
“Daily Express” сонины уншигчид Их Британийн шинэ Ерөнхий сайд Риши Сунакийг коронавирусын үр дагавар болон Украинд явуулсан Оросын тусгай ажиллагаа гэсэн хоёр том хүчин зүйлээс болж улс орон эдийн засгийн хямралд орсон гэж мэдэгдсэнийг өмнө нь буруушааж байсан. Учир нь Сунак өмнөх үеийнхээ яриаг үргэлжлүүлж байгаад олон хүн эгдүүцсэн ажээ.
Зарим нь түүнийг Их Британийн Сангийн сайдын албыг хашиж байсан хүн гэдгийг Сунакт дахин сануулахаар шийдэж, тус улсад болж буй үйл явдлын учир холбогдлыг бусдаас хайх хэрэггүй гэцгээж байсан юм.
