-Украины командлалын мэдээлснээр Херсон мужид 90 гаруй сууринг чөлөөлсөн байна-
Украины Батлан хамгаалахын сайд Алексей Резников тус улсын өмнөд хэсэгт хийж буй сөрөг довтолгооны нэг хэсэг болох Украйны зэвсэгт хүчний давшилт борооны улмаас удааширсан гэж мэдэгдэв.
"Өмнөд хэсэгт бид сөрөг довтолгоогоо үргэлжлүүлж байна. Яг одоо цаг агаарын зарим нөхцөл байдал, бороо орж байгаа нь бидний довтолгоог бага зэрэг удаашруулж байна. Гэхдээ бид тосгон суурин, газар нутгаа алхам алхмаар буцааж авах тактик хэрэглэж байна. Үүнийгээ үргэлжлүүлэх болно" гэж Резников Америкийн Fox News телевизэд өгсөн ярилцлагадаа хэлэв.
Үүний зэрэгцээ Резников Оросын цэргүүд Херсон хотод гудамжны тулалдаанд орно гэдэгт итгэхгүй байна, учир нь энэ нь тэдэнд ашиггүй юм.
"Бид Днепрээр дамжин өнгөрөх бүх гүүрийг HIMARS гэх мэт Америкийн систем, түүнчлэн M270, 155 мм-ийн их буу зэрэг бусад MLRS ашиглан хянадаг. Эдгээр нь АНУ-ын M777 гэх мэт орчин үеийн НАТО-гийн стандартын систем юм. Оросуудын хувьд Херсонд үлдэх нь жинхэнэ эрсдэл юм, учир нь тэд Харьковын чиглэлд, тухайлбал, Изюм болон бусад хотууд руу ухрах боломж олдохгүй" гэж сайд тайлбарлав.
Урд шөнө нь Украины Ерөнхийлөгчийн Тамгын газрын даргын зөвлөх Алексей Арестович Херсоныг чөлөөлөх нь энэ дайны үеийн хамгийн хүнд тулаануудын нэг болно гэв. Учир нь хотын засаг захиргаа, бусад бүтэц, түүнчлэн энгийн иргэдийг нүүлгэн шилжүүлснээр Орос улс цэргийнхээ нэлээд хэсгийг тэнд төвлөрүүлсээр байна. Түүний хэлснээр Оросын цэргүүд Херсоныг сайн дураараа орхих шинж тэмдэг алга гэж мэдэгдэв.
Украины Зэвсэгт хүчин Херсон мужийн 90 гаруй сууринг аль хэдийн чөлөөлсөн гэж "Өмнөд" шуурхай командлал өмнө нь мэдээлээд байгаа юм.
Эх сурвалж: ВВС
