ОХУ-д коронавирусын хоёр шинэ хувилбар илэрсэн тухай "Роспотребнадзор"-ын тэргүүн Анна Попова мэдээллээ.
Тэрбээр "Өнгөрсөн долоо хоногт бид коронавирусын BQ.1 ба BQ.1.1 ("Цербер")" гэсэн хоёр шинэ хувилбарыг тодорхойлсон" гэж хэвлэлийнхэнэ уулзах үеэрээ хэлэв.
Үүний зэрэгцээ, Попова тус улсад халдварын нөхцөл байдал тогтворжиж байгааг тэмдэглэв. Тодруулбал, таван долоо хоног дараалан COVID-19-ийн тохиолдлын тоо буурч байна.
Роспотребнадзорын тэргүүн хэлэхдээ "Өнөөдөр огцом өсөлтийн таамаглал байхгүй, манай эрдэмтэд ийм таамаглал дэвшүүлээгүй байна."
Гэсэн хэдий ч намрын эцэс гэхэд өвчлөл тодорхой хэмжээгээр нэмэгдэх магадлалтай гэдгийг тэр үгүйсгэсэнгүй. Хэдий тийм боловч хязгаарлалтын арга хэмжээ авах үндэслэл байхгүй гэж Попова онцоллоо.
Түүний бодлоор Орост аль хэдийн бүрэлдсэн дархлааны давхарга нь шинэ омгууд гарч ирсэн ч өвчлөл огцом нэмэгдэхээс зайлсхийхэд тусална. Хамгаалах аргууд нь ижил хэвээр байна гэдгийг дурдав. Тухайлбал, гараа сайн угаах, олон хүнтэй газар амны хаалтаа зүүх, хүчтэй дархлаатай байх хэрэгтэй.
Албан бусаар "Цербер" гэж нэрлэгддэг коронавирусын нэг хувилбар нь BA.5 омикрон омгийн дэд шугам юм. Энэ нь хэт хурдан тархах боломжийг олгодог нэмэлт мутациараа онцлогтой юм. 10-р сарын дунд үе гэхэд энэ хувилбар бараг 30 гаруй оронд илэрсэн. Тухайлбал, CDC-ийн хамгийн сүүлийн үеийн мэдээллээр АНУ-д 10 тохиолдол тутмын 1-ээс илүүг эзэлж байна.
Эх сурвалж: РИА новости
