Украины Батлан хамгаалахын сайд Олексий Резников Оросын цэргийг Украины нутаг дэвсгэрээс гаргахын тулд Киев яваандаа барууны танк, сөнөөгч онгоц авна гэдэгт итгэлтэй байна. Тэрбээр холбоотнуудын энэ үйл явцыг Вашингтон удирдан явуулах ёстой гэж үзэж байгаагаа илэрхийлжээ.
Резников Politico сэтгүүлд өгсөн ярилцлагадаа "Би "Абрамс" танкууд ирээдүйд Украины төлөөх тулалдаанд ооролцоно гэсэн өөдрөг хүлээлттэй байна. Үүнээс гадна бас F-16, F-15 болон Шведээс "Грипен" загварын сөнөөгч онгоцуудыг ч нийлүүлэх боломжтой гэдэгт итгэлтэй байна" гэжээ.
Дээрхи мэдэгдэлтэй холбогдуулан тодотгоход НАТО-гийн орнууд Германы "Леопард" болон АНУ-ын "Абрамс" гэх мэт орчин үеийн байлдааны танкуудыг Украинд илгээх эсэх талаар хэдэн сарын турш хэлэлцэж байна. Гэвч ХБНГУ-ын албаны хүмүүс ОХУ-ын Ерөнхийлөгч Владимир Путин үүнийг даамжруулж хямралт байдлыг улам дэвэргэж магадгүй гэж болгоомжилж байгаагаа мэдэгджээ. Үүний зэрэгцээ АНУ-ын албаны хүмүүс "Абрамс" танкууд нь ложистикийн хувьд нарийн төвөгтэй машинууд бөгөөд Украины байлдааны талбарт засвар үйлчилгээ хийхэд хүндрэлтэй байх болно гэж мэдэгджээ.
Гэсэн эдий ч эдгээр бүх бэрхшээлийг үл харгалзан Резников өөдрөг үзэлтэй хэвээр байгаа бөгөөд урьд өмнө нь хориотой гэж тооцогддог байсан олон зүйл, тухайлбал нисгэгчгүй онгоц, пуужин, их буунууд эцэст нь Украинд очсон гэж тэмдэглэв.
Өнгөрсөн арваннэгдүгээр сард Батлан хамгаалахын нарийн бичгийн даргаар томилогдсоныхоо дараахан Резников Вашингтонд очиж, "Стингерс" пуужин авахыг хүссэн ч боломжгүй гэсэн хариулт өгсөн тухай тэрээр ярилцлагадаа дурджээ.
"Би тэднээс учрыг нь асуусан. Харин тэд энэ нь хуулиар хориотой. Учир нь улс төрийн асуудал байгаа. Дараа нь оросуудыг довтлохоос сарын өмнө буюу 1-р сард бид Литвээс анхны илгээмжийг хүлээн авсан. Бидний хүлээж авсан энэ бэлэг бол "Стингерс" байсан. Тэднийг АНУ-ын зөвшөөрлөөр авсан болохоор тухайн үед боломжгүй гэсэн үг хожим хойноо боломжтой болдогийн жишээ юм" гэжээ.
Эх сурвалж: ВВС
