Цагдаагийн байгууллагаас нийслэл хотын хэмжээнд нууц, далд аргаар зохион байгуулагдаж байгаа хуулиар хориглосон мөрийтэй тоглоомуудыг илрүүлэн таслан зогсоох, урьдчилан сэргийлэх зорилгоор хяналтын арга хэмжээ зохион байгуулж байгаа аж. Тэгвэл энэ хэсэгчилсэн арга хэмжээний хүрээнд илрүүлсэн хэргүүд дунд жагсаал цуглаан зохион байгуулдгаараа нийтэд танигдсан Ж.Энхжаргалан байсан гэх мэдээллийг эх сурвалж өглөө. Мөн нэр бүхий найман хүний дунд АН-ын дарга С.Эрдэнийн хүү Энхтөгс, МУГТ Б.Наранбаатар нарын нэр нөлөө бүхий хүмүүс байсан гэх мэдээлэл байна.
Тэд Хан-Уул дүүргийн 18-р хороо “LC tower” байрны .... тоот гурван өрөө байрыг Б гэгчээс түрээслэн, мөрийтэй /покер/ тоглоом тоглож байсныг үйлдэл дээр нь илрүүлжээ. Тухайн байранд мөн хар тамхи, мансууруулах бодис байсныг эд мөрийн баримтаар хураан авч, материалжуулан шалгаж байгаа аж.
Эх сурвалж: Eguur.mn
