Аж үйлдвэрийн хүчин чадал хязгаарлагдмал учир АНУ HIMARS олон хөөргөх пуужингийн системийг Киевийн эрх баригчдад олноор нь нийлүүлэхгүй гэж Пентагон дахь эх сурвалжаас иш татан The New Yorker мэдээлэв.
HIMARS нэг бүрийн үнэ ойролцоогоор 7 сая доллар. Украины Зэвсэгт хүчин нэг сарын дотор 5 мянга гаруй пуужин зарцуулсан гэж шинжээчид тооцоолжээ. Гэтэл пуужинг үйлдвэрлэгч Lockheed Martin жилдээ 9 мянган пуужин үйлдвэрлэдэг.
Пентагоны эх сурвалжийн мэдээлснээр, Киевт хэрэгтэй байгаа агаарын довтолгооноос хамгаалах системд ч мөн адил техникийн асуудал бий. Үнэн хэрэгтээ АНУ-д Украины талд шилжүүлэх агаарын довтолгооноос хамгаалах олон нөөц байхгүй гэж албаны хүн хэлэв.
АНУ Киевийн эрх баригчдад цэргийн тусламж үзүүлэх нөөц хомсдож байгаа талаар өмнө нь мэдээлж байсан. Удахгүй Вашингтон Украйны талд нийлүүлэх зэвсгийн хэмжээгээ багасгахаас өөр аргагүйд хүрнэ гэжээ.
Эх сурвалж: АиФ
