Одоогийн Ерөнхий сайд Л.Оюун-Эрдэнэ уг албан тушаалд томилогдох үедээ "Засгийн газрын бүтцийн тухайд цар тахлын дараа буюу эдийн засгийг сэргэх үед томоохон төслүүдийг хариуцаж, олон улсын зах зээлээс хөрөнгө босгох, гадаадын хөрөнгө оруулалтыг дэмжих, эдийн засгийн харилцааг авч явах, хөгжлийн бодлого, төлөвлөлтийг хэрэгжүүлэх Үндэсний хөгжлийн газрыг өргөтгөх, эдийн засгийн бодлогыг дагнан хариуцаж, хэрэгжүүлэх Эдийн засаг, хөгжлийн яам байгуулах шаардлагатай гэж үзэж байгаа.Түүнчлэн төрийн хүнд суртлыг багасгах, үүнтэй зэрэгцэн авлигал буурах ач холбогдолыг нь харгалзан Цахим хөгжлийн яамыг байгуулах нь шаардлага бий гэж үзэж байгаа аж. Ингэснээр төрийн албаны өнөөгийн бүтцийг 30-35 орчим хувиар цомхотгох боломж бүрдэх, их хэмжээний цаас хэмнэх тооцоолол байгаа талаар мөн төрийн 181 төрлийн үйлчилгээг нэгтгээд буй E-Mongolia цахим үйлчилгээг өргөжүүлж, төрийн бүх үйлчилгээг нэгтгэх 3 жилийн хугацаатай зорилт дэвшүүлэн ажиллаж ямар нэг үйлчилгээг дээрх цахим цонхонд нэгтгэхгүй, төвлөрүүлээгүй бол авлигалтай хийх тэмцэлд хувь нэмэр оруулахгүй байна хэмээн Ерөнхий сайдын хувьд дүгнэж “Ийм хэлбэрээр авлигалтай хийх тэмцлийг эрчимжүүлнэ. Ингэхдээ авлигал авч буй нэгэнтэй гэхээсээ илүү авлигалын суурь хөрс, нийгмийн соёлтой нь тэмцэх ёстой гэж үзэж байгаа. Төрийн албан хаагчид бэлэг солилцдог, хоорондоо гэрээ байгуулдаг, энгийн зүйл дээр хугацаа удаж хүнд суртал гаргах байдлаар төрийн үйлчилгээг үнэлдэг тогтолцоог цахим шилжилт хийж арилгана” хэмээн байр сууриа тодотгож тайлбарлаж байв.
Тэрбээр ажлаа авсан даруйдаа "Эрдэнэт үйлдвэрийн барьцаанд тавьсан 49 хувь" болон "С.Зоригийн хэрэгт холбогдсон иргэдийн хэрэг" зэрэг чамгүй олон ажлын үр дүнг харуулсан юм.
Харин түүнд хандаж цахим орчинд идэвхтэй эрхмүүдийн нэг Буянгийн Жагаа буюу Б.Жаргалсайхан өөрийн цахим хуудастаа "Улс төрч болгон Засгийн эрхэнд гарах болгондоо "Шударга байцгаая" "Шударга ёсыг эргүүлэн авчирна" гэж зарладаг. Тэгэхээр ард түмэн, олон нийт шударга ёсоор цангаж буй нь илт. Тийм учраас хамгийн их шударга ёс улс төрч нарт итгэж "Ачтнаа гээд араатныг дагавал яанам билээ" гэдэг шиг болсон. Хамгийн өрөвдөлтэй нь хамгийн их шударга ёс ярьсан нь авлигач, дээрэмчин байх нь цөөнгүй. Ерөнхий сайд Л.Оюун-Эрдэнэ шударга ёс ярьж гарч ирсэн нэгэн. Тэрээр улс төрийн тавцанд гарч ирсэн даруйдаа "Эрдэнэтийг барьцаанд тавьсан, 49 хувийг авсан, С.Зоригийн хэрэгт холбогдсон иргэдийн хэрэг зэргийг анхааралдаа авсан. Мөн Хөгжлийн банкыг цөлмөсөн хэрэг, ЖДҮ, Төмөр замын хэргүүд гээд хүлээж буй. Энэ бүхнийг шийдэж чадах уу, намын авлигач нартай тэмцэх үү асуулт түүнийг хүлээж буй. Шүүх хуулийнхан нэг талдаа гарсан тул Л.Оюун-Эрдэнэ итгэл төгс "Та намайг харж бай" гэсэн байдаг. Тийм ээ ард түмэн "Харж байгаа, хүлээж байна шүү" хэмээн нийтэлжээ.
О.Сарантуяа
