УИХ-ын гишүүн Ц.Даваасүрэн /2022.10.20/ чуулганы нэгдсэн хуралдаанд үг хэлэхдээ Сангийн сайд Хөгжлийн банкийг найзуудтайгаа хамт дампууруулсан. Жишээ нь, Ч.Мөнхбаяр гээд Б.Жавхлангийн их сургуулийн ангийн найз тус банкинд Зээлийн газрын захирал хийж байсан. Найзууд хамтарч байгаад "Чингис хаан" банкинд 49 тэрбум төгрөгийг байршуулж "алга" болгосон. Сангийн сайд ЖДҮ, Хөгжлийн банк, Бичил санхүүгийн хөгжлийн сангаас хүртэл "Зэт финанс" банк бус санхүүгийн байгууллагаараа дамжуулан 900 тэрбумын зээл авсан" гэж мэдэгдсэн.
Тэгвэл Ц.Даваасүрэнгийн мэдэгдэл Сангийн сайд Б.Жавхлан "Ц.Даваасүрэн гишүүний надтай холбоод байгаа Дархан-Уул аймгийн хоёр аж ахуйн нэгж Хөгжлийн банкнаас зээл авсан юм байна. Тэдгээр аж ахуйн нэгжүүд надтай ямар ч хамааралгүй. Тэгж ярих юм бол Ц.Даваасүрэн гишүүн өөрөө Бондын зөвлөлийн гишүүн байсан хүн. Бондын эх үүсвэрээс гаргаж байсан зээл Бондын зөвлөлийн шийвэрээр олгож байсан гэдгийг сайн мэднэ. "Ган хүдэр" компани мөн л Дарханы компани юм билээ. Хөгжлийн банкнаас зээл авсан компани юм байна. Зээл авахад нь би гишүүний болон сайдын хувиар оролцоогүй гэдгээ албан ёсоор хэлье. "Зэт финанс"-аар дамжуулан 900 тэрбумын зээл авсан гэж худлаа. Жишээ нь, Бичил санхүүгийн хөгжлийн сангийн нийт эргэлтийн хөрөнгө нь 10 тэрбум юм байна. Тийм сангаас яаж 900 тэрбум төгрөг гаргах билээ. "Зэт финанс"-тай манай дүү оролцоотой байсан нь үнэн. Тус компанийн зээлийн түүхийг нь харвал 2012-2015 оны хооронд 260-400 сая төгрөгийн зээл аваад зөрчилгүй дуусгасан байдаг. "Чингис хаан" банкинд нөлөөлсөн асуудал огт байхгүй. Ч.Мөнхбаярыг Хөгжлийн банкны асуудлаар хуулийн байгууллага шалгаж байгаа юм билээ" хэмээн мэдэгдээд байсан юм.
Харин энэхүү асуудлаар сошиалд идэвхитэй эрхэм Б.Жаргалсайхан өөрийн цахим хуудастаа "УИХ-ын гишүүн Ц.Даваасүрэнгийн Сангийн сайд Б.Жавхлангийн талаархи мэдэгдэл нэлээд шуугиан тарив.Ингэж олон нийтэд шуугиан тарих нь өөр ашиг сонирхолтой байсан гээд бичээл эхлэв. Хэвлэлүүдээс харахад Тендер бүрийн 10 хувийг өөртөө өгөхийг шаарддаг Ц.Даваасүрэн Засгийн газрыг шантаажилж байгаа гэх мэдээлэл байгаа юм. Тэрбээр надад боомтын сайдыг өгөхгүй бол, манай сонгогчдод "Бэлтэс мөрөн"-гийн луйвар булхайн хохирогч нарт төрөөс нөхөн олговор өгөхгүй бол зогсохгүй гэж мэдэгдсэн гэх. Аливаа хэрэг наймаалцдаг, албан тушаалд хүрдэг хэрэгсэл болдог байдлыг хэрхэвч өөгшүүлж болохгүй юм. Засгийн газар Боомтийн сайдаа томилж чадахгүй нь ийм учиртай байж мэдэх мэдээлэл гарах боллоо" гэж үзэл бодлоо илэрхийлжээ.
О.Сарантуяа