Хорих ангиудаас хоригдол оргох, гэмтэх зэрэг хэд, хэдэн зөрчил илэрсэнтэй холбоотойгоор ШШГЕГ-ын даргыг шалгаж байна. Шалгалтын хариу маргааш гарна гэж холбогдох яамнаас мэдээллээ.
ХЗДХЯ-ны Төрийн нарийн бичгийн дарга П.Сайнзориг "Хууль зүй, дотоод хэргийн сайдын тушаалаар Шүүхийн шийдвэр гүйцэтгэх ерөнхий газрын хууль дүрмийн хэрэгжилт, алба хаагчдын сахилга, ёсзүй болон санхүүгийн үйл ажиллагаанд шалгалт оруулсан. Мөн ШШГЕГ-ын дарга Д.Загджавтай холбоотой бүх үйлдлүүд болон бичиг баримтуудыг шалгаж байна. Энэ сарын 25-нд гармагц Д.Загджавыг ажлаас чөлөөлөх эсэх асуудлыг шуурхай хэлэлцэнэ” гэлээ.
Г.Бүжинлхам
