Өмнөговь аймгийн Ханхонгор сумын Жаргалант багийн “Хулст” гэдэг газар аймгийн төвөөс зүүн урд зүгт 40 км, сумын төвөөс урд зүгт 80 км-т/ Иргэн С, 10 сарын 22-ны өдрийн 19:00 цагийн орчим тэмээгээ хариулахаар яваад сураггүй болсон тухай дуудлагыг мөн өдрийн 23:00 цагт аймгийн Онцгой байдлын газрын Эрэн хайх аврах салбарын алба хаагчид хүлээн авчээ. Алба хаагчид, сумын Засаг даргын Тамгын газрын ажилтнууд, ар гэрийнхэн отроор нүүдэллэж явсан иргэн С /18 настай, эмэгтэй/-г эрэн хайх ажиллагааг зохион байгуулж 10 сарын 23-ны өдрийн 10:00 цагт Жаргалант багийн Давст гэдэг газар /гэрээс нь хойд зүгт 7 км/-аас эсэн мэнд олсон байна.
