Ерөнхийлөгч асан Д.Трамп АНУ-ын Төлөөлөгчдийн танхимын дарга Нэнси Пелосийг ухаан муутай, галзуурахад ганц хуруу дутуу нэгэн гээд түүнийг улс төрийн карьераа дуусгах ёстой гэв. АНУ-ын Ерөнхийлөгч асан Дональд Трамп АНУ-ын Техас мужид дэмжигчидтэйгээ уулзахдаа үүнийг уриалсан бөгөөд илтгэлийнх нь бичлэгийг Newsmax нийтэлжээ.
"Тэр ухаан муутай, солиотой хүн. Бид түүний улс төрийн карьерт цэг тавина. Түүний улс төрийн карьерийг цаашид төгсгөл болгоно" гэж тэр мэдэгдэв. Трампын хэлснээр энэ сануулга нь Ерөнхийлөгч Жо Байден, Сенатын олонхийн удирдагч Чак Шумер болон бусад радикал Ардчилсан намынханд ч хамаатай гэжээ.
Төрийн тэргүүн байсан хүний хэлснээр, Ардчилсан намынхан тэнгэрт хадсан өндөр үнээр америк гэр бүлүүдийг “боомилж”, улс орныг сүйрүүлж байна гэв.
Үүний зэрэгцээ Трамп 2024 онд болох дараагийн ерөнхийлөгчийн сонгуульд оролцох хүсэлтэй байгаагаа онцолсон байна. Мөн тэрбээр Ерөнхийлөгчийн өмнөх сонгуулийн дүнг будлиантуулсан гэдгийг дахин мэдэгдлээ.
Трамп урьд нь түүхчид Байдены засаг захиргааг АНУ-ын нэр хүндэд сэв суулгасан гэж тайлбарлана гэдэгт итгэлтэй байгаагаа илэрхийлсэн бөгөөд дэлхийн бусад удирдагчид АНУ-д ийм хүндэтгэлгүй хандаж байгаагүй гэдгийг онцолсон байна.
Эх сурвалж: Лента.ру
