Финлянд, Шведийг НАТО-д элсүүлэх үйл явц хурдаараа рекорд эвдэж байгаа хэдий ч Турк, Унгар хоёр улс хэлэлцээрийг соёрхон батлахаас татгалзав. Харин үлдсэн 28 улс зөвшөөрлөө гэж United Press International бичжээ.
Хойд Атлантын эвслийн дүрмээр бүх гишүүн орнууд зөвшөөрснөөр тухайн улсыг гишүүнээр элсүүлэх боломжтой болдог. Харин энэ удаад Финланд, Швед хоёр амлалтаа биелүүлэхгүй байгаа тул Туркийн тал гэрээг соёрхон батлахаас татгалзаж байна гэж мэдэгдлээ.
Өнгөрсөн тавдугаар сард Туркийн Ерөнхийлөгч Режеп Тайип Эрдоган Курдистаны ажилчны намыг террорист байгууллага гэж хүлээн зөвшөөрөх асуудлыг шийдвэрлэх хүртэл тухайн хоёр улсыг түүний зөвшөөрлийг авахгүй гэдгийг анхааруулсан. Мөн Финланд, Шведэд нуугдаж байсан Курдын ажилчны намын үйл ажиллагаанд оролцсон хүмүүсийг Анкара руу шилжүүлэн өгөх хүртэл гэсэ болзлыг тавтж байв. . Гэвч Туркийн энэ болзлыг дээрхи хоёр орон өнөөдрийг хүртэл биелүүлээгүй байна.
Түүнчлэн 1999 онд НАТО-д элссэн Унгар улс Туркийн энэ шаардлагыг дэмжихээр шийдэж, "Финланд болон Швед тэдний санаа зовоосон асуудалд нухацтай хандах ёстой" гэж мэдэгдэв. Тус улсын парламент аравдугаар сарын 24-нд болох хуралдаанаараа хэлэлцээрийг соёрхон батлах тухай асуудлыг хэлэлцэх юм.
ОХУ-ын Ерөнхийлөгч В.Путин өмнө нь ОХУ Финланд, Шведтэй ямар ч асуудалгүй, эдгээр улс Хойд Атлантын эвсэлд орох нь шууд аюул занал учруулахгүй гэж мэдэгдээд. байгаа юм. Төрийн тэргүүний хэлснээр, Оросын хариу арга хэмжээ НАТО-гийн дэд бүтцийг өргөжүүлэхээс хамаарна.
Эх сурвалж: АиФ
