Их Британийн Ерөнхий сайдаар 44 хоног ажилласан Лиз Трасс огцорч албан тушаалаа хүээлгэн өгсөн ч Ерөнхий сайдаар ажиллаж байсан хүний хувьд жил бүр 115 мянган фунт стерлингийн тэтгэмж авах эрхтэй болжээ. /Үүнийг төгрөгт шилжүүлж тооцвол өнөөгийн ханшаар 435.2 сая гаруй ₮ болно/
Их Британийн засгийн газрын мэдээлснээр, улсын татварын хөнгөлөлт (PDCA) авах эрхийг өмнөх Ерөнхий сайд нарт бүгдэд нь олгодог. Төлбөрийн ачаар улстөрчид төрийн ажил үүргээ гүйцэтгэж байхдаа гаргасан зардлаа нөхөх боломжтой. Энэ татварын хөнгөлөлт PDCA-г 1991 оноос нэвтрүүлжээ.
Тэтгэмж авахын тулд засгийн газрын тэргүүний албан тушаалыг хашиж байсан нь хангалттай тул Трасс тус улсын түүхэнд хамгийн богино хугацаанд ажилласан ч гэлээ энэ шаардлагыг хангаж байна гэж хэвлэлд тэмдэглэжээ. Тиймээс тэр бүх амьдралынхаа туршид жил бүр 115 мянган фунт стерлингийн тэтгэмж авах болно.
Трасс өөрт нь итгэмжлэгдсэн Ерөнхий сайдын бүрэн эрхийнхээ үүргийг биелүүлж чадахгүй байгаагаа хүлээн зөвшөөрч 10-р сарын 20-нд албан тушаалаасаа огцрох шийдвэр гаргасан юм.
Улс төр судлаач Малек Дудаковын үзэж байгаагаар Трассын дээд амжилт тогтоосон огцролт нь түүний мөн чанарыг нийгэм болон хөрөнгө оруулагчдад ойлгуулж чадаагүй алдаатай, алсын хараагүй татварын шинэчлэлтэй холбоотой юм. Энэхүү шинэчлэл нь Британийн эдийн засгийн хямралын нөхцөл байдлыг улам хүндрүүлсэн.
Эх сурвалж: АиФ
