Одоогоос 2 жилийн өмнө иргэд болон иргэний нийгмийн байгууллагууд мөн УИХ-ын гишүүн Ж.Батзандан, Л.Болд, Л.Оюун-Эрдэнэ, Т.Аюурсайхан, Х.Нямбаатар нар МАНАН бүлэглэлийн эсрэг жагсаж төрийн албан тушаалыг наймаалцаж, томилгоо хийх замаар “60 тэрбум” төгрөг босгосон, төрийн эрх мэдлийг хууль бус аргаар авахыг санаархсан гэх хэрэгт холбогдсон нэр бүхий гишүүдийн эсрэг 2 ч удаа жагсаж байв.
Тэр үеэр УИХ-ын гишүүн байсан, одоогийн Ерөнхий сайд Л.Оюун-Эрдэнэ “Иргэдийнхээ итгэлийг албан тушаалаар наймаалцахгүй. Миний хувьд ямар ч албан тушаалд очихгүй” хэмээн хэлж байжээ.
Тэгвэл шудрага бус үйлдлийн төлөө тэмцэж явсан 5 гишүүний дөрөв нь сайд болжээ. Тухайлбал:
Л.Оюун-Эрдэнийн хувьд 2021 оны нэгдүгээр сараас эхлэн Ерөнхий сайд, 2021 оны зургаадугаар сараас эхлэн МАН-ын даргын албыг хашиж байна. Харин Х.Нямбаатар Хууль зүй, дотоод хэргийн сайд, Л.Болд - Монгол Улсаас Бельгийн Хаант Улсад суугаа Онц бөгөөд Бүрэн эрхт Элчин сайд болсон бол өнөөдөр Т.Аюурсайхан Ерөнхий сайдын гаргасан саналын дагуу Хөдөлмөр, Нийгмийн Хамгааллын сайд болж тангараг өргөлөө. Харин Ж.Батзандан саяхан Хөгжлийн банктай холбоотой асуудлаар АТГ шалгагдаж, урьдчилан хорих ангид нэг сарын хугацаатай саатуулагдаад байна.
Г.Бүжинлхам
