Дэлхийн холын зайн гүйлтийн уламжлалт зургаан өдрийн “Self-transcendence USA open" тэмцээн энэ сарын 18-24-ны хооронд Нью-Иорк хотноо боллоо. Тус тэмцээнд дэлхийн 17 орны 32 гүйгчид оролцсон бөгөөд Монгол улсаас Б.Буджаргал гүйлээ. Плашинг Медов хүрээлэнгийн гүйлтийн 1,6 км-н зам дээр 6 өдрийн турш тамирчид өдөр шөнөгүй гүйж, тэсвэр хатуужлаа сорьсон байна. Тэмцээн зохион байгуулагчдын зүгээс тамирчдад 24 цагийн туршид хоол, хүнсээр тасралтгүй хангах, мөн амраах, үйлчилгээ зэрэг гүйлтийг саадгүй явуулах нөхцөлийг хангажээ.
Б.Буджаргал хэт холын зайн олон улсын гүйлтийн тэмцээнүүдэд нийтдээ 12 удаа түрүүлжээ.
