1
10-р сарын 19-нд Украины Зэвсэгт хүчин Каховская усан цахилгаан станцад цохилт өгч, Оросын цэргүүдийн байрлал руу хийсэн дайралтыг няцаасан байна. Түүнчлэн шөнө дөлөөр Оросын агаарын довтолгооноос хамгаалах систем Украины талаас харвасан пуужингуудыг устгажээ. Энэхүү дайралтын зорилго нь Днепр дээгүүрх Антоновскийн гүүр байсан ухай эх сурвалж мэдээлжээ.
2
Украины Зэвсэгт хүчин Каховская усан цахилгаан станцын даланг устгахад бэлэн байгааг Оросын арми анхааруулсан. Тухайлбал, Украин дахь тусгай ажиллагааны командлагч, армийн генерал Сергей Суровикин 10-р сарын 18-нд Киев Каховка усан цахилгаан станцын (УЦС) далан руу их хэмжээний пуужингийн дайралт хийхээр бэлтгэж байна гэсэн мэдээлэл Орост байгаа гэж мэдэгдэв. Гэвч Украины тал харин эсрэгээрээ Оросын цэргүүд тус УЦС-ын даланг устгаж үүнд биднийг буруутгахаар төлөвлөж байна гэсэн мэдээллийг хийжээ.
УЦС-ын даланг устгах зорилго нь Днепр мөрний доод хэсгийн газар нутгийг үерт автуулах явдал гэж Херсон мужийн захирагчийн үүрэг гүйцэтгэгч Володимир Салдо хэлэв. Усан цахилгаан станцын даланг нураачих вий гэсэн болгоомжлолоос болоод усан сангийн усыг асгаж эхэлжээ.
3
Агаарын довтолгооноос хамгаалах албаны мэдээгээр Украины Зэвсэгт хүчин 10- р сарын 19-нд 10 нисгэгчгүй онгоц сөнөөжээ. Ингэснээр Оросуудын "Шахедс"-ийг идэвхтэй ашиглаж эхэлсэн 36 хоногийн дотор 223 нэгж дроныг устгасан тухай Украины Ерөнхийлөгч Владимир Зеленский мэдэгдлээ.
Киев болон барууны орнуудад эдгээр дроныг Иранаас Орост нийлүүлж байгаа гэж мэдэгдэж байгаа ч Тегеран болон Москва үүнийг үгүйсгэдэг.
4
Херсон мужийн оршин суугчдыг Днеприйн зүүн эрэгт байрлах түр байрлуулах цэгүүдэд нүүлгэн шилжүүлж байгаа нь Каховская усан цахилгаан станцын далан сүйрсэн тохиолдолд Украйны Зэвсэгт хүчний дайралт үерийн бүсэд болж болзошгүй тул Херсон болон зэргэлдээх суурин газруудын оршин суугчдад хотыг орхин гарахыг зөвлөж, аравдугаар сарын 19-ний өглөөнөөс иргэдийг Днепр мөрний нөгөө эрэг рүү түр байрлах төвүүд рүү нүүлгэж эхэлсэн. Эрх баригчид долоо хоногийн дотор баруун эргийн 50-60 мянга орчим иргэнийг тээвэрлэхээр төлөвлөжээ.
5
Украины армийн десантын цэгүүд Запорожье атомын цахилгаан станцын ойролцоох гүүрэн гарцыг булаан авахаар оролдсон ч амжилтгүй болжээ. Тодруулбал, Украины 37 завьтай дайчид Каховка усан санг гаталж, станцын ойролцоо газардахыг зорьжээ. Гэвч десантын бүлгийн хөдөлгөөн анзаарагдаж, их буугаар цохилт өгчээ. Энэ явцад Украины Зэвсэгт хүчний 90 гаруй цэрэг, 14 завийг устгасан тухай Оросын тал мэдээлэв.
6
Украины Зэвсэгт хүчин Энергодар хот руу буудах ажиллагаагаа эрчимжүүлээд байна. Аравдугаар сарын 18-ны орой Украины цэргүүд хотын янз бүрийн хэсэг рүү гал нээсэн. Хотын дулааны цахилгаан станц (ДЦС) болон үйлдвэрийн бүсэд 10 орчим цохилт бүртгэгдсэн байна. “Бид Оростой хамт” хөдөлгөөний дарга Владимир Рогов Энергодарт цахилгаан эрчим хүч хэсэгчлэн тасарсан гэж мэдэгдэв.
7
Украин даяар агаарын сэрэмжлүүлэг зарлав. Киев болон Украины эрчим хүчний хангамжийн байгууламжууд дахин пуужингийн цохилтод өртөв.
Хэдийгээр Европын холбооны тэргүүн "дайны гэмт хэрэг" гэж нэрлэж байгаа ч Оросууд Украины хэд хэдэн бүс нутаг, тэр дундаа Киевт дахин пуужингийн довтолгоо хийжээ. Мөн нийслэл хотод хэд хэдэн дэлбэрэлт болсон банйа. Хотод агаарын довтолгооноос хамгаалах систем ажиллаж байна гэж Украин мэдээлсэн. Үүнээс гадна Винница, Ивано-Франковск мужид, Бурштын ДЦС-ын орчимд дэлбэрэлт сонсогджээ.
8
Украины эрх баригчид эрчим хүчний хангамжийн асуудлаар стратегийн уулзалт хийлээ. Украины Ерөнхийлөгч Владимир Зеленский тус улсын эрчим хүчний систем эвдэрсэн тохиолдолд гарах үр дагаврыг арилгах арга хэмжээний талаар ярилцсан гэж онцоллоо. Түүний хэлснээр эрх баригчид янз бүрийн хувилбараар бэлтгэж байна гэж мэдэгдлээ.
Эх сурвалж: ВВС, Лента.ру
