ОХУ-ын Украинд өргөн ашиглаж байгаа Иранд үйлдвэрлэсэн камиказе /амиа золиослогч/дрон өндөр үр дүнтэй шинэ зэвсэг болох нь батлагдсан. Оросуудын Ираны "Шахед" гэж нэрлэдэг "Гераниум"" дроны онцлог нь үр ашиг, технологийн энгийн байдал, үнийг зохистой хослуулсан явдал.
Одоо украинчууд ийм дронтой тэмцэх арга замыг хайж байгаа бөгөөд эхнээсээ үр дүнд хүрч байх шиг байна. Тухайлбал, ухаалаг утасны тусгай аппликейшны тусламжтайгаар агаарын довтолгооноос хамгаалах командлал иргэдээс дроны талаарх мэдээллийг хүлээн авах юм. Энэ нь "Шахед"-уудын нислэгийг хянах, агаарын довтолгооноос хамгаалах, тэднийг устгах зэвсгийг урьдчилан бэлтгэхэд тусална гэж Украины арми үзэж байна.
Украины Зэвсэгт хүчин урьд урьдынхаасаа илүү олон дроныг сөнөөж байна Орос "Шахед"-ийг идэвхтэй ашиглаж байгаа 36 хоногийн дотор 223 нэгж дроныг устгасан гэдгийг Ерөнхийлөгч В.Зеленский мэдэгдсэн.
Киев болон барууны орнууд эдгээр дроныг Иранаас Орост нийлүүлдэг гэж үзэж байгаа ч Тегеран болон Москва үгүйсгэж байна.
Оросын "Геран-1", "Геран-2" дрон нь Иранаас худалдаж авсан "Шахед-131", "Шахед-136" нисгэгчгүй онгоцноос өөр зүйл биш гэж мэргэжилтнүүд үзэж байна.
Эхнийх нь арай жижиг, ердөө арав гаруй килограмм тэсрэх бодис тээвэрлэх боломжтой бол хоёр дахийн байлдааны хошуу нь 40-50 кг-ийнбагтаамжтай. Дронууд Хятадад үйлдвэрлэсэн хөдөлгүүрээр тоноглогдсон бөгөөд дуу чимээний онцлог шинж чанараараа "мопед" гэж нэрлэдэг.
"Шахед-136"-ыг мянга гаруй километрийн зайд нисэх чадвартай гэж үздэг ч интернэтэд 2500 километр гэж дурджээ
Энэ хоёр дрон хоёулаа гадны хүчин зүйлээс хамаардаггүй инерцийн чиглүүлэгч системээр тоноглогдсон, өөрөөр хэлбэл автомат нисгэгч юм. Гэхдээ тэд хиймэл дагуулын навигацийн системтэй бөгөөд энэ нь хөндлөнгийн оролцоотой нөхцөлд ажиллах боломжтой гэсэн үг юм.
Дронууд гурвалжин хэлбэртэй бөгөөд ган хүрээтэй хуванцараар хийгдсэн Энэ онцлог болон жижиг овор хэмжээ радарт бага харагдуулдаг.
"Шахед" -ын давуу талууд
Иранд үйлдвэрлэсэн камикадзе дроны гол давуу тал нь хямд, энгийн байдал юм. Тэд урьдчилан тодорхойлсон координатуудын дагуу зорилтот чиглэлд нисдэг. Түүнчлэн тэдгээрийг амижоттай тохиолдолд нэг дор хэд хэдэн удаа хөөргөж болно.
Хоёрдахь давуу тал нь түүний харагдах байдал юм. Түүнийг энгийн ачааны машины дүрд хувиргаж болох чингэлэгээс хөөргөнө. Уг хөөргөлт нь богино хугацаанд ажилладаг хатуу түлш өргөгч ашиглан хийгддэг. учир хөөргөлтийг илрүүлэхэд маш хэцүү байдаг.
Эдгээр нисгэгчгүй онгоцууд нь дотоод шаталтат жижиг хөдөлгүүр ашигладаг тул хэт улаан туяаны мужид тийм ч сайн харагддаггүй, түүнчлэн дулаан хайгч пуужингаар онох нь хялбар биш юм.
Жижиг хэмжээтэй эдгээр дроныг радараар илрүүлэх нь амар биш юм, ялангуяа нам өндөрт нисэх үед нь.
Гурав дахь давуу тал нь бага хурдтай (185 км / цаг) бөгөөд энэ нь үзэгдэх орчин багатай, жижиг хэмжээ нь сөнөөгч онгоцны хувьд нэлээд хэцүү бай болгодог.
"Шахедов"-ын сул талууд
"Шахедс" нь электрон дайны системийн нөлөөллөөс хамгаалагдаагүй хямд үнэтэй иргэний электроникийг ашигладаг. Тэд GPS төхөөрөмжтэй нэлээд амжилттай хосолдог боловч хиймэл дагуулын навигаци зогсоход нарийвчлал нь буурдаг.
"Шахедууд" урьдчилан төлөвлөсөн маршрутын дагуу нисдэг тул тэдний нислэгийн замыг урьдчилан таамаглахад хялбар байдаг. Нэмж дурдахад эдгээр дронууд нь нэлээд чанга чимээ гаргадаг тул тэднийг "мопед" гэж нэрлэдэг. Энэ дуу чимээ нь олны анхаарлыг татаж, агаарт өөрийгөө илчилдэг гэмтэй.
Энэ нь тийм ч бат бөх төхөөрөмж биш юм. Бүр Калашниковын буугаар гэмтээж, унагаж болно. Хамгийн гол нь онох л хэрэгтэй.
Украины зенитийн буучид ихэнхдээ "Их буугаар бор шувуу харвадаг"
Агаарын довтолгооноос эсэргүүцэн хамгаалах пуужингууд нь нисгэгчгүй онгоцноос хамаагүй үнэтэй байдаг учир Украины зенитийн буучид тэдний эсрэг боломжтой бүх аргыг ашигладаг бөгөөд ихэнхдээ "Их буугаар бор шувуу харвадаг".
"Шахед"-уудыг Бук агаарын довтолгооноос хамгаалах систем болон пулемётоос буудаж устгасан видео бичлэгүүд нийгмийн сүлжээнд гарч байна. Янз бүрийн жижиг зэвсгээс буудах аргачлал хүснэгтийг хүртэл боловсруулжээ.
Украйны нисгэгчгүй онгоцоор мэргэшсэн ажилтан Павел Кащук ярилцлагадаа: Суманд өртсөн нисгэгчгүй онгоц орон сууцны барилга руу мөргөж унаж болзошгүй тул хот дотор дронтой тэмцэх нь шилдэг шийдэл биш гэж мэдэгджээ.
Нисгэгчгүй онгоцыг устгах үнийг саармагжуулахын тулд харьцангуй хямд шийдлийг сонгох нь зүйтэй. Ийм шийдэл нь нисэх онгоцны эсрэг их буу байж болх юм. Шуурхай буудлагатай зенитийн буу нь ямар ч тохиолдолд пуужингаас хямд бөгөөд нарийвчлал нь хөнгөн пулемётоос өндөр байдаг.
Бага оврын удаан хөдөлгөөнтэй байтай тэмцэх өөр нэг үр дүнтэй арга бол жижиг удаан сөнөөгч онгоц эсвэл нисдэг тэрэг байж болох юм. Ийм онгоцны нэг цагийн нислэгийн зардал бага, засвар үйлчилгээ хийхэд хялбар байдаг.
Гэхдээ хамгийн гол нь тэд бага хурдтай нисч чаддаг. Тодруулбал, ийм онгоц агаарт хамгийн багадаа ердөө 148 км/цагийн хурдтай нисч чадах бөгөөд энэ дроны хурдтай ойролцоо юм.
Эх сурвалж: ВВС
