Улсын Их Хурлын ээлжит хуралдаан эхэллээ. Хуралдаанаар макро эдийн засагтай холбоотой асуудлаар хэлэлцэж байна.
Эдийн засаг, хөгжлийн сайд Ч.Хүрэлбаатар: Монгол Улсын эдийн засгийн байдал амаргүй байгаа. Энэ нь үндсэн 2 шалтгаантай. 3 жил үргэлжилсэн цар тахал, Украйнд болж байгаа дайн 2 бол дэлхийн эдийн засгийг хүндрүүлж байгаа. Тэгэхээр Монгол Улсад тохиож байгаа зүйл бол дэлхийн бусад улс орнуудад тохиолдож байгаа зүйл юм. Бодлогын хүүгээ өсгөх төсвийн алдагдлаа бууруулах чиглэлээр дэлхийд ч гэсэн яригдаж байгаа. Бодлого дээрээ алдаа гаргасан уу гэвэл гаргасан. Өнгөрсөн оны төгсгөл дээрээс эхэлж эдийн засгийг тогтворжуулах арга хэмжээ авах ёстой байсан. Тухайлбал, бодлогын хүүгээ нэмэгдүүлэх шаардлагатай байсан. Тэр үед нэмэгдүүлээгүй яг байгаагаараа явна ингэвэл бид нар эдийн засгийн өсөлтийг хангаж чадна гэж үзсэн нь алдаа болсон. Ерөнхий сайдын 2023 оны төсөвт нэг шинэ зүйл байсан. Тэр нь боловсруулалтын түвшинг уул уурхай болон хүнсний үйлдвэрлэл дээрээ нэмэгдүүлье гэдэг бодлого гаргасан. Үүний дагуу бэлтгэл ажлуудыг хийж байгаа. Мөн хөдөө аж ахуйн боловсруулалтыг нэмэгдүүлэхээр энэ салбарт оруулж ирж байгаа тоног төхөөрөмжийн гаалийн татварыг буулгах зэрэг холбогдох татварын өөрчлөлт оруулсан байгаа” гэлээ.
Г.Бүжинлхам
