Баянгол дүүргийн Эрүүл мэндийн төвийн дарга З.Балдандугарын хууль бус үйлдэл гаргаж, ажилчдаа дарамтанд оруулж, ажлаас халдаг талаар мэдээлэл гарсан. Үүгээр ч зогсохгүй хүнд өвчтөн зөөх үеэр тус төвд байдаг ганц машиныг унаж, эмнэлгийн ажилд садаа болдог талаар тухайн эрүүл мэндийн төвийн ажилчин мэдээлэл өгчээ.
Энэ талаар тус эмнэлгийн ажилтан “Хүнд өвчтөн ирээд өөр эмнэлэгт Аралтай хүргэх шаардлага гарах үед Балдандугар дарга машинаа унаад явчихдаг. Хэлэхээр хүлээж бай гэдэг. Хүн цус алдаад амь насанд нь эрсдэлтэй нөхцөл үүсээд байхад Эмнэлгийн машиныг дарга унаад явсан байдаг. Энэ мэт зүйлсийг тангараг өргөсөн эмч, ажилтнууд бид тэвчиж чадахгүй байна” гэж мэдээлэл өгчээ.
Г.Бүжинлхам
