Өнөөдрийн УИХ-ын Намрын ээлжит чуулганы нэгдсэн хуралдаан эхэллээ. Чуулганы эхэнд УИХ-ын гишүүн Б.Пүрэвдорж санал хэллээ.
Тэрбээр: “Би 2019 оноос хойш Монгол Улсын 21 аймгийн хамгийн том сумуудаар явж иргэдтэй уулзаж байгаа. Дундговь аймгийн иргэдтэй уулзаж байхад иргэд маш олон санал хэлж байна. Иргэдийн малын үнэ 40 хувь унасан талаар ярьж байна. Үүн дээр ямар арга хэмжээ авах вэ гэсэн асуудал тавьж байна. Квотын асуудал маш чухал болоод байна. Малчдын хотхоноос 1 кг тутамд 1000 төгрөг авахаар 1 үхэр гаргахад 150,000 төгрөг авилгалд явж байна. Бусад малын квотгүй болгож өгсөнд баярлаж байна. Одоо наад үхрийн махны квотоо боль. Энэ жил 24 сая толгой мал байна. Байгаль орчинд маш хүндрэлтэй байна. Квотоос болоод хэл ам хэрүүл тэмцэл гарч махны экспорт зогслоо. Экспортоор махаа гаргахгүй бол малчдынх чинь амьдрал сүйрлээ” гэлээ.
Г.Бүжинлхам
