European Commission President Ursula von der Leyen attends a news conference after an informal summit of EU leaders at the Chateau de Versailles (Versailles Palace), following Russia's invasion of Ukraine, in Versailles, near Paris, France March 11, 2022. REUTERS/Sarah Meyssonnier
Украины цахилгаан станцууд болон бусад дэд бүтцэд Оросууд пуужингаар цохилт өгч, дроноор довтолж байгаа нь дайны гэмт хэрэгт тооцогдох террорист ажиллагаа гэж Европын комиссын тэргүүн Урсула фон дер Лейен лхагва гарагт мэдэгдэв.
Урсула Фон дер Лейен Европын парламентын депутатуудад хандан хэлэхдээ "Өчигдөр бид иргэний дэд бүтцэд чиглэсэн Оросын дайралтын гэрч боллоо. Энэ дайн маш харгис хэрцгий болохыг энэ үйлдэл дахин дахин харуулж байна. Энэ талаархи олон улсын дүрэм маш тодорхой. ЭДГЭЭР НЬ ДАЙНЫ ГЭМТ ХЭРЭГ ЮМ" гэдгийг тэрбээр онцлов.
"Өвөл эхлэхтэй зэрэгцэн иргэд, хөгшид хүүхдүүдийг ус, цахилгаан, дулаан зэрэг аж амьдралын амин чухал хэрэгцээнээс нь салгах нь цэвэр террорист үйлдэл юм. Үүнийг ингэж нэрлэх ёстой" гэж Еврокомиссын тэргүүн хэлэв.
Украины Ерөнхийлөгч Владимир Зеленский мягмар гарагт ОХУ-ын цэргүүд Украины цахилгаан станцуудын 30 хувийг 10-р сарын 10-наас хойш устгаснаар улс даяар эрчим хүчний хангамж тасалдсан гэж мэдэгдээд байгаа юм.
Эх сурвалж: ВВС
