Хорих ангийн эмэгтэй хүмүүжигчид тив хоорондын шатрын аварга шалгаруулах тэмцээнд түрүүллээ. Дэлхийн шатрын холбооноос “Шатрын эрх чөлөөний хөтөлбөр”-ийн хүрээнд хүмүүжигчдийн дунд тив хоорондын шатрын аварга шалгаруулах 2 дахь удаагийн цахим тэмцээнийг АНУ-ын Чикаго хотын хорих байгууллагатай хамтран энэ сарын 13-14-нд зохион байгуулжээ.
Тус тэмцээнд АНУ, Норвеги, Австрали, Канад зэрэг дэлхийн 46 орны 85 багийн тамирчид өрсөлдлөө. Үүнээс Монгол Улсаа төлөөлөн 415 дугаар хорих анги, 427 дугаар хорих ангиас эрэгтэй хоёр баг, 407 дугаар хорих ангиас эмэгтэй нэг багийн хүмүүжигчид өрсөлдлөө.Үүнээс эмэгтэйчүүдийн ангилалд Монгол Улсын баг алтан медаль хүртлээ.Өнгөрсөн жил анх удаа зохион байгуулсан Тив хоорондын аварга шалгаруулах анхдугаар тэмцээнд Монгол Улсын эрэгтэй баг тамирчид алтан медаль хүртэж, түүхэн амжилт эзэд болж байсан юм байна.
