Аравдугаар сарын 10-ний өдөр "Ланд-200" маркийн автомашин урсгал сөрөн долоон автомашиныг мөргөж, хоёр хүүхдийг гэмтээсэн ноцтой осол гарсан. Олон нийтийн зүгээс осол гаргасан Ч.Маралмаа нь нөлөө бүхий хүний хүүхэд учраас хэргийн талаар мэдээлэхгүй байна гэх мэтээр шүүмжлэлтэй хандаж байна. Түүний аав Э.Чингэс нь ЦЕГ-ын дарга асан, Дотоодын цэргийн штабын дарга Р.Чингис биш юм. Тодруулбал, осолд холбогдогч Ч.Маралмаагийн аав гэх Э.Чингэс болон цагдаагийн дарга асан Р.Чингис нарын нэрийн сүүлийн үсэг болон овог нь хоорондоо зөрөөтэй байгаа юм.
Тэгвэл Ч.Маралмаагийн аав Э.Чингэс нь 57 настай, ... гэх цэцэрлэгт ажилладаг нэгэн иргэн юм байна.
Цагдаагийн байгууллагаас хэд хэдэн удаа осолд холбогдогч Ч.Маралмаагийн аавыг цагдаагийн дарга биш гэж мэдээлсэн ч иргэдийн дунд буруу, ташаа мэдээлэл гарсаар байна.
Чингис, Чингэс гэх нэртэй хүнтэй холбоотой мэдээлэл гарах бүрт ЦЕГ-ын дарга асан Р.Чингистэй холбож буруу ташаа мэдээлэл гаргадаг байдлаа зогсоомоор байна ялангуяа хэвлэл мэдээллийн байгууллагууд сэтгүүлчид энэ тал дээрээ анхаарахгүй бол хүний эрх, нэр төр, сэтгэл санааны хувьд ноцтой хохирол үүсгэх асуудал үүсдэг байна. Хамгийн сүүлийн жишээ л гэхэд хошин урлагийнхны салбараар нэрлэгдэх болов уу...
2022 оны 10-р сарын 19 өдрийн байдлаар Хүн ам, өрхийн мэдээллийн санд "ЧИНГЭС" гэсэн нэртэй 178 хүн байдаг гэсэн мэдээлэл байна. Иймд иргэд болон хэвлэл мэдээллийн байгууллага аливаа мэдээллийг түгээхээсээ өмнө нягтлах шаардлагатай юм.
Г.Бүжинлхам