7 машин мөргөж 2 хүүхдийг хүндээр гэмтээсэн ослын талаар Хууль зүйн яамны сайд Х.Нямбаатар мэдээлэл өглөө.
Тэрбээр “Энэ асуудал учруулсан хохирлынхоо хэмжээгээр эрүүгийн хэрэг үүсгээд шалгагдана. Согтуугаар тээврийн хэрэгсэл жолоодсон үйлдэл нь л зөрчил болохоос биш гэм хор учруулсан тохиолдолд эрүүгийн хэрэг учруулсан гэм хохирлынхоо хэмжээнээс шалтгаалаад эрүүгийн хуулиар ял, хариуцлага хүлээнэ. Зөрчил гаргагч нь 1993 онд төрсөн эмэгтэй хүн байсан. Ар гэрийнхнээс нь холбогдох тайлбарыг аваад явж байна. Мөрдөн шалгах ажиллагаа эрүүгийн хэрэг үүсгэгдээд явж байна” гэлээ.
Мөн тэрбээр мэдээлэл өгч байх үеэрээ хэргийг ямар нэгэн байдлаар нууж хаасан зүйл байхгүй, холбогдох албаны ажилчиддаа хэвлэл мэдээллийн байгууллагад болсон хэргийн талаарх мэдээллийг сайн өгч бай гэсэн үүрэг өгсөн гэсэн тайлбар хэллээ.
Г.Бүжинлхам
