2019 оны дөрөвдүгээр сарын 05.Ардчилсан намаас “Онц их хуралдай” эсэргүүцлийн жагсаал зохион байгууллаа. ГЭРЭЛ ЗУРГИЙГ Б.БЯМБА-ОЧИР/MPA
Сошиол орчинд идэвхитэй эрхэм Буянгийн гэх тодотголоор нь иргэд андахгүй Б.Жаргалсайхан өөрийн цахим хуудсаар Иргэд үзэл бодлоо илэрхийлэх жагсаал цуглаан хийх ардчилсан оронд байдаг зүйл. Харин захиалгатай, аль нэг бүлэглэлийн төлбөртэй жагсаал гэдэг гажууд буруу жишиг юм гэх агуулгатай мэдээллийг оруулжээ. Тэрбээр:
"Иргэд үзэл бодлоо илэрхийлэх жагсаал цуглаан хийх ардчилсан оронд байдаг зүйл. Харин захиалгатай, аль нэг бүлэглэлийн төлбөртэй жагсаал гэдэг гажууд буруу жишиг юм. Өнөөдрийн жагсаалыг Нүүрснийхэн хэмээх томоохон бүлэглэл санхүүжүүлж АН болон жижиг хөдөлгөөнүүд гүйцэтгэгчээр оролцох гэж байна. "Бишээ цаад эздийг нь" гэдэг шиг жагсаал Нүүрснийхэн гэж хэн бэ асуулт гарч ирнэ. Засгийн газрын гишүүн Ч.Хүрэлбаатар "Статистик тоо харахаар олон сая тонн нүүрс гаргасан байдаг. Гэтэл орж ирсэн валют нь үнийн дүндээ хүрэхгүй байна" гэж мэдэгдсэн. Бүр сүүлдээ 200, 300 мянган тонноор нүүрс цох дутах, 5000 машин хилээр хоосон гарсан гэх "хии үзэгдэл" шиг үйл явлууд өрнөж байгаа юм. Энэ бүхний цаана АН, МАН гэлтгүй нүүрсний МАНАН нэгдэж нягтарч өнөөдрйн жагсаалыг санхүүжүүлж байгаа аж. Засгийн газрын тэргүүний нүүрсний хулгайг ил болгоно гэсэн. Нүүрсний бүлэглэл хулгайгаа илрэхээс, бизнесээ зогсохоос айж Засгийн газрыг шантаажлах, хууль хяналынханд шалгуулахгүй байх, үгэндээ оруулахын тулд энэхүү жагсаалыг хийж байгаа юм. Тус жагсаалд АН хийгээд Х.Баттулгын тролл баг оролцож буй нь нүүрснийхэн "чөтгөртэй нийлэхэд бэлэн" гэдгээ харуулав шүү" гэжээ.
