"Өргөө" амаржих газрын захирал Ж.Энхцэцэгийг үүрэгт ажлаас нь чөлөөлсөн.
Уг асуудалд Эрүүл мэндийн сайд С.Энхболд "Өргөө" амаржих газрын захиралтай холбоотой асуудал зөвхөн аравдугаар сарын 12-ны өдөр гарсан шийдвэр биш. Шалгалтын явц наймдугаар сараас эхэлсэн. Яамны хяналт үнэлгээ, дотоод аудитын газраас наймдугаар сард шалгалт оруулаад, есөн зөвлөмж гарсан. Тухайн зөвлөмжүүдийг биелүүлэх чиглэл өгөөд байсан юм.
Хяналт үнэлгээ, дотоод аудитын газраас шалгахад нэг зөвлөмжийг л биелүүлсэн бусад нь хангалтгүй гэдэг дүгнэлт гарсан. Эмнэлгийн мэргэжилтний ёс зүйн хороонд гомдол гаргасан. 15 хүний бүрэлдэхүүнтэй ёс зүйн хороо "Өргөө" амаржих газарт ажиллаж, ажилчдаас судалгаа авсан. Ёс зүйн 14 заалтыг зөрчсөн гэсэн дүгнэлтийг өгсөн. Эдгээрийг үндэслээд Эрүүл мэндийн яамнаас аравдугаар сарын 12-ны өдөр Ж.Энхцэцэгийг "Өргөө" амаржих газрын даргаас чөлөөлсөн" гэв.
