“Өргөө амаржих газар”-тай холбоотой асуудлаар ЗГХЭГ-ын дарга Д.Амарбаясгалан Zarig.mn сайтад дараах тайлбарыг өгчээ.
Өргөө амаржих газрын захирлыг албан тушаалаас нь чөлөөлсөнтэй холбоотойгоор үүсээд байгаа нөхцөл байдлын талаар мэдээлэл өгнө үү?
-ЗГХЭГ-т төрийн байгууллагуудын дотоод үйл ажиллагаатай холбоотой асуудлаар хяналт шалгалтын үйл ажиллагаа явуулах эрх бүхий газар байдаг. Тогтмол иргэдийн гомдол болон ажилтан албан хаагчдын зүгээс гаргасан гомдлыг холбогдох асуудлыг авч хэлэлцдэг. Бодит байдлыг бид харах ёстой. Хоёр талын өнцгөөс дүгнэлт гаргана. Эрүүл мэндийн сайд холбогдох албан тушаалтнуудтай ярилцсан. Нэгдүгээрт, “Өргөө амаржих газар”ын үйл ажиллагаанд ямар нэгэн доголдол гарах шийдвэр гарч болохгүй. Тиймээс ажлыг хэвийн явуулах нөхцөл дээр анхаарна. Хоёрдугаарт, Албан байгууллагын дотоод эмх замбараагүй байдалд ажил үүргийн хуваарьтай холбоотой олон асуудалд анхаарах ёстой. Төрийн гүйцэтгэх засаглалын дотоод хяналт шалгалтын агентлагийг байгуулж байгаа. Үндсэн зорилго бол төр дотооддоо аль ч түвшинд хариуцлагатай байх, үүргээ ухамсарладаг байх гэсэн зорилгыг бид хэвшүүлэх гэж зорьж байгаа. Нэг талыг барьсан өрөөсгөл шийдвэр гаргаж ерөөсөө болохгүй. Эрүүл мэндийн сайд ажлын хэсэг гаргаж ажиллуулсан . Ажлын хэсгийн үнэлэлт, дүгнэлт дээр тулгуурлан шийдвэр гаргасан байгаа. Гэхдээ энэ асуудал нь нэг талыг барьж дүгнэлт гаргасан уу, үгүй юу гэдэг дээр бидний зүгээс анхааралтай ажиллах зорилго тавиад байна.
Үүсээд байгаа асуудлаар эрүүл мэндийн сайдтай уулзсан уу? Ямар тайлбар өгч байна.
-Үндсэндээ наймджгаар сарын эхэн үеэс эхлээд энэ асуудал хөндөгдөж байгаа. Эрүүл мэндийн яам дотооддоо хяналт шалгалт хийх, дүгнэлт гаргах ажлын хэсэг байгуулж оруулсан. Сар гаран ажилласан ажлын хэсгийн дүгнэлт дээр үндэслэн ийм шийдвэр гаргасан гэсэн мэдээлэл авсан.
Нийгмийн сүлжээтэй холбоотой сөрөг мэдээлэлтэй холбоотойгоор Эрүүл мэндийн сайдыг чөлөөлөх эсэх асуудал яригдах уу?
-Нийгмийн сүлжээнд яригдаж байгаа сөрөг мэдээлэл болгоноор сайд чөлөөлөгддөг ойлголт байж болохгүй. Тэгж хавтгайрч болохгүй. Ер нь аливаа асуудалд бид зарчимтай байя гэж үзэж байгаа бол хариуцлагын тогтолцооны хүрээнд ул суурьтай хандаж байх ёстой.
Г.Бүжинлхам
