Монгол Улсын Ерөнхий сайд Л.Оюун-Эрдэнийн Герман Улсад хийсэн айлчлал өнөөдөр өндөрлөж байна. Ерөнхий сайд айлчлалынхаа хүрээнд Германы “DW" агентлагт өнгөрсөн баасан гарагт ярилцлага өгсөн юм. Энэ тухай "DW" мэдээлэхдээ “Эрчим хүчний хараат байдал нь Герман Монголын хувьд тулгамдсан асуудал төдийгүй дэлхий нийтийн хувьд анхаарал хандуулах асуудал болсон гэдгийг онцлоод Оросын байгалийн хийг Монголоор дамжуулан Хятад руу экспортлох хийн хоолой барих төслийн хувьд хоёр талтай хэлэлцээр хийж байна. Судалгааны шатанд явж байгаа асуудал гэжээ. Одоогоор Сибирийн хүч-2 төслийн эцсийн тохиролцоонд хүрээгүй. Хятад улс одоогийн тооцоолсон өртгийг хараахан хүлээн зөвшөөрөөгүй байгаа гэв.
ОХУ Украины дайны хувьд Монгол Улс төвийг сахихыг эрмэлзэж байна. Улс орнууд асуудлаа энхийн замаар шийдвэрлэх ёстой гэж манай улс үзэж байна. Хэлэлцээр хийх боломж нэг хувь байсан ч ашиглах ёстой. Герман, Хятад улс энэ мөргөлдөөнийг энхийн замаар шийдвэрлэх хэлэлцээрт туслаж чадна гээд дэлхий нийтээрээ Путинтэй ярилцахаар өөр арга зам байхгүй хэмээн онцлов.
Тэрбээр “ОХУ-ын цэргийн албанаас зугатаж Монголд ирсэн иргэдийг хамгаалах хууль эрхзүйн орчинг бүрдүүлэх талаар Монгол Улс хүчин чармайлт гаргаж ажиллаж байгаа тухай дурдлаа " хэмээн бичжээ.