ОХУ-ын Украин дахь тусгай цэргийн ажиллагааны үргэлжлэх хугацаа нь эцсийн зорилгоос хамаарна. Энэ тухай ОХУ-ын БХЯ-ны Олон улсын цэргийн хамтын ажиллагааны ерөнхий газрын орлогч дарга асан дэслэгч генерал Евгений Бужинский мэдэгдэв.
Урьд нь ОХУ-ын Ерөнхийлөгчийн хэвлэлийн нарийн бичгийн дарга Дмитрий Песков "тавьсан зорилгодоо улс төр, дипломат арга замаар хүрэх боломжгүй тул Украин дахь тусгай ажиллагаа үргэлжлэх болно" гэж мэдэгдээд буй.
Тэгвэл цэргийн шинжээчийн үзэж байгаагаар тусгай ажиллагааны эцсийн зорилго гэж юу болохыг ойлгох хэд хэдэн хувилбар бий.
“Нэгдүгээрт: өмнөд хэсэгт Одесс хүрч, Приднестровьтэй холбогдож, хойд зүгт Харьков, магадгүй Днеприйг авч, Донбассыг бүрэн хяналтандаа авах явдал. Мэдээж хэрэг, эдгээр зорилгод хүрэхийн тулд маш их хүчин чармайлт шаардагдана. Хоёрдугаарт: Днеприйн зүүн эрэг рүү хүрэх. Гурав дахь нь: Украины баруун хил хүртэл. Үйл ажиллагааны явц, үргэлжлэх хугацаа нь эдгээрээс аль зорилтыг сонгохоос хамаарна" гэж Евгений Бужинский үзэж байна.
Мөн генералын хэлснээр хэсэгчилсэн дайчилгаа хэрхэн явагдахаас их зүйл шалтгаална.
“Түүгээр ч зогсохгүй иргэдийг төдийгүй аж үйлдвэрийг дайчлах. Эцсийн эцэст эдийн засгийг үндсэндээ цэргийн түвшинд шилжүүлэх ёстой.
Бага хэмжээний хохиролоор амжилтанд хурдан хүрэх боломжгүй гэдэг нь аль хэдийн тодорхой болсон. Бид наанадаж дахиад зургаан сар тулалдах хэрэгтэй. Эсвэл бүр нэг жил ба түүнээс дээш ч байж магадгүй" гэж шинжээч тэмдэглэв.
Түүний хэлснээр одоо командлалын өмнө тулгарч болох гол ажил бол нэг хагасаас хоёр сарын хугацаанд чадварлаг эшелон хамгаалалтыг бий болгох явдал бөгөөд 300 мянган цэргийн үүрэгтнийг дайчлах ажил хийгдэж байна.
Учир нь Украинчууд ялагдал хүлээснээс үл хамааран гарз хохирлоо үл тооцон ямар нэг зүйлээ эргүүлж авах хэрэгтэй болно. Хэрэв хамгаалалтаа бэхжүүлэх боломжтой бол 11-р сарын сүүл 12-р сарын эхээр Оросын арми довтолгоо хийх боломжтой болно "гэж Бужинский хэлэв.
Дэслэгч генерал өвлийн улиралд тулалдах хэцүү тул хавар болтол дайсагнал намжиж магадгүй гэсэн саналтай санал нийлэхгүй байв.
Энэ тухайд тэрбээр “Би тэгж хэлэхгүй. Бид өвлийн улиралд яаж тэмцэхээ мэддэг. Манайх бол үндсэндээ хойд зүгийн орон учраас цэргүүд нь цаг агаарын хүйтэн нөхцөлд байлдааны ажиллагаа явуулахад зохицсон байдаг. Энэ талаараа украинчуудаас илүү. Дээрээс нь өвлийн улиралд, ялангуяа Украины өмнөд хэсгийн задгай газар нутгийн ой мод нүцгэрнэ. Байгаль цаг агаарын энэ давуу байдал бидэнд туслана"гэж цэргийн шинжээч дүгнэв.
Өмнө нь ОХУ-ын Ерөнхийлөгч Владимир Путин хоёр долоо хоногийн дотор Орос дахь бүх дайчилгааг дуусгана гэж мэдэгдэд байгаа юм.
Эх сурвалж: АиФ
