Намрын чуулганы ээлжит хуралдаан өнөөдөр /2022.10.14/ 10 цагт эхэллээ. Чуулганы хуралдаанаар төлбөрийн чадваргүйтлийн тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийг хэлэлцэх эсэх асуудлыг хэлэлцэнэ. Хууль санаачлагчийн илтгэлийн ХЗДХ-ийн сайд Х.Нямбаатар танилцууллаа.
Хуулийн хүрээнд гишүүд асуулт асууж, хариулт авч байна. УИХ-ын гишүүн Х.Булгантуяа дампуурлын тухай хуулинд койн ямар зохицуулалтаар тусгагдсан талаар асуулт асуулаа.
ХЗДХ-ийн сайд Х.Нямбаатар “Койнтой холбоотой асуудалд нэгдүгээрт, виртуал үйлчилгээ үзүүлэгчийн тухай хуулийг өнгөрсөн хавар УИХ баталсан. Энэ хууль батлагдаад хүчин төгөлдөр үйлчилж эхэлснээр тухайн виртуал хөрөнгийн үйлчилгээ үзүүлэгчид санхүүгийн зохицуулах хороонд өөрийнхөө санхүүгийн үзүүлж байгаа үйлчилгээнийхээ талаар мэдээллээ хүргүүлдээ СЗХ-д бүртгүүлж үйл ажиллагаагаа явуулах эрхээ үүсгэх ёстой гэсэн үүргийг хуулиар даалгаж өгсөн. Сүүлийн үед койнтой холбоотой асуудал яригдаж эхэлж байгаа. Цагдаагийн байгууллагаас цахим мөнгөтэй холбоотой асуудал дээр тухайн төрлийн үйлчилгээ хүсэж байгаа иргэдэд анхааруулга сануулга өгч байсан. СЗХ-оос хэд хэдэн хууль бус койн гаргаж байгаа үйл ажиллагааг зогсоосон. Гэсэн ч харамсалтай нь койн гаргах үйл ажиллагаа хязгаарлагдаагүй. Тэгэхээр цаашид койн гаргасан байгууллагууд бүгд СЗХ –д тайлангаа гаргаад явна. Койн эзэмшигчийн анхны шаардлагаар койнынх нь мөнгийг гаргаж өгөхгүй байгаа тохиолдолд СХЗ-д мэдэгдэх ёстой. Энэ нь эрүүгийн гэмт хэргийн шинжтэй байгаа тохиолдолд эрүүгийн хэрэг үүсгээд шалгах процесс явагдана. Шинээр орж ирж байгаа эрүүгийн хуульд нэмэлт өөрчлөлт оруулах тухай хуульд цахим залилангийн тухай гэмт хэргийг тусдаа бие даасан гэмт хэрэг болгон оруулж ирэхээр тусгасан байгаа. Мөн хэд хэдэн санхүүгийн харилцааг эрүүгийн хуульд тусгасан байгаа. Тухайлбал үнэ зохиох, хуйвалдах зэрэг үйлдлүүдийг эрүүгийн хуульд тусгасан байгаа” гэж хариуллаа.
Г.Бүжинлхам