90 жилийн түүхтэй Өргөө амаржих газрын захирал Ж.Энхцэцэг нь монголын тэргүүн баячуудын нэг гэдэг билээ. Тэрээр эмэгтэйчүүдийн асуудал тэр дундаа үр хөндөлтөөр мэргэшсэн “Бүсгүй” эмнэлгийг үүсгэн байгуулж, томчуудын авгай хүүхэд, нууц амрагуудын үр хөндөлтийн ажлыг хийж гаршсан, түүгээрээ далимдуулж тэргүүн баячууд, улс төрийн нөлөө бүхий хүмүүсийг шантаажилж сурсан нэгэн гэдгийг ойрын хүрээнийхэн андахгүй гэдэг.
Тэрээр 2021 оны 3-р сард Өргөө амжих газрын захирлаар томилогдож очсон бөгөөд очсон цагаасаа хойш эмнэлгийн ажилчдыг дарамталж өнөөдрийн байдлаар 450 хүнтэй эмнэлгийн 162 жилийн ажилтнуудыг халсан гэсэн мэдээлэл бий. Улмаар Өргөө амаржих газрыг өөрийн хувийн эмнэлгийн нэг салбар мэт үзэж төрд тангараг өргөсөн жирийн мэргэшсэн эмч, сувилагч, мэргэжилтнүүдэд “чиний цалинг би өгдөг, надтай аятайхан харьц, миний үгээр бай, миний өөдөөс эсэргүүцсэн хүн сайнаа үзэхгүй, шоронгийн хаалга татаж дуусдаг шүү, алдаа гарагхгүй байхыг чинь харнаа салбар зөвлөлийн гишүүний хувьд хэргийг чинь шоронлуу шилжүүлэх эрх мэдэл надад байна, урамшуулал цалинтай чинь ярина” гэх зэргээр дарамталсан гэдэг. Үүгээр дуусахгүй өөрийгөө “би мөнгөтэй баян хүн, та нар шиг гуйлгачин биш” гэж эмнэлгийн ажилчдыг дайрч давшилж үндэс угсаа, гарал үүслээр нь байнга доромжилдог гэдгийг эмнэлгийнхэн удаа дараа хэлж байсан гэдэг.
Ж.Энхцэцэг нь АШУИС-ын Эх барих, эмэгтэйчүүдийн тасгийн багшаар 20 гаруй жил ажиллаж байгаа бөгөөд тэнхимийн эрхлэгчийг нь ч хийж байсан сурган хүмүүжүүлэгч хүн. Гэхдээ тэр сайн багш байж болох ч сайн менежер биш.
Учир нь Өргөө амаржих газарт ЭМЯ-наас 2022 оны 5-р сараас эхлэн үе шаттай шалгалтуудыг оруулж ирсэн бөгөөд удаа дараа зөрчил арилгах хуулийн хугацааг олгож иржээ. Гэтэл ажлын алдаа, дутагдал арилгах даалгаврыг биелүүлэхгүй байж “бүлэг мафи, намайг буулгах” гэсэн оролдлого хийж байна гэх зэргээр олон нийтэд мэдээлэл өгч зогсоож байгаа нь харамсалтай.
Ж.Энхцэцэг нь мөнгөтэй, эрх мэдэлтэй хүмүүсээр өөрийгөө хүрээлүүлж АН-ын Женкогийн ПиАРчин гэх Г.Уянга, түүний нөхөр болох А.Батхуяг нарыг хөлслөн зохион байгуулалттайгаар хэвлэлд мэдээллийг ашиглан сүрийг үзүүлж байгаа гэнэ. Учир нь Г.Уянга, А.Батхуяг хоёр нь сүүлийн саруудад Өргөө амаржихын газрын захирлын өрөөнөөс салахаа байсан бөгөөд нэр бүхий шантаажаар мөнгөнд худалдагдсан мэдээллийн сайтуудын эрхлэгч нартай хоол цай идэж, вино ууж оройг өнгөрүүлдэг болсныг эмнэлгийн жирийн эмч мэргэжилтнүүд хэлж байна.
Мөнгөтэй хүн мөнгөөрөө далайлган жирийн эмч, мэргэжилтнүүдийг сүрдүүлж ПиАР-ын баг хөлслөн нийгмийг турхирч өөрийгөө ямарч алдаа дутагдалгүй хүн мэтээр ярьж зохион байгуулалттайгаар бичүүлж байгаа эмч, багш хүний гаргах ёс зүй мөн үү.
Гаргасан алдаагаа хүлээн зөвшөөрөхгүй, засаж залруулахгүй байж Өргөө амаржих газрын захирлын суудлаас буухгүй байх сонирхол байгаа нь түүнээс давсан эрх ашиг байгаа гэдгийг харуулж буй.
Одоо байдлыг харвал салбартаа монопол тогтоосон хувийн эмнэлэгтэй хүн том ашиг сонирхол байгаад захирлын суудалдаа салж чадахгүй байгаа бололтой.
Нэг талаас сайн эмч гэгдэж бурхан мэт хүндлэгдсэн хүмүүс нөгөө талдаа хувийн эмнэлэг, эмийн сангийн сүлжээ, ер нь энэ салбарт хийж болох бүх бизнесийг хийж өврөө түнтийлгэж суудаг. Тиймээс энэ бүхнийг таслан зогсоох цаг нь болсон.
