УИХ-ын чуулганы нэгдсэн хуралдаанаар Монгол Улсын нэгдсэн төсвийн 2023 оны төсвийн хүрээний мэдэгдлийг хэлэлцэж байна. Хуралдааны үеэр УИХ-ын гишүүн Т.Энхтүвшин мэргэжлийн хяналтыг татан буулгах асуудлаар асуулт асуулаа.
Тэрбээр” Мэргэжлийн хяналт нэгдсэн хяналттай байсан бол одоо салбарын хяналттай болох юм байна. Салбарын хяналтууд ААН байгууллагууд дээр давхцаад давхцаад улам их хүнд суртал бий болох эрсдэлтэй гэж би харж байна. Яагаад энийг нэгтгэхээр болов” гэж асуулаа.
Мэргэжлийн хяналтын ерөнхий газрын дарга Б.Баасандорж “2003 онд Монгол Улсад нэлээн том өөрчлөлт орсон. 2003 онд төрийн хяналт шалгалтын тухай хууль батлагдсанаар хуучнаар 13 улсын хяналтын алба тус тусдаа хэрэгжүүлдэг байсан хяналт шалгалтыг нэгтгэсэн.Энэ өөрчлөлтийн нэг том зорилт нь нэгдсэн нэг хяналт шалгалтын хуультай болъё гэдэг үүднээс батлагдсан. Төрийн хяналт шалгалтын хууль өөрөө мэргэжлийн хяналтын байгууллагын хууль биш. Харин хяналт шалгалтыг зохицуулсан процессын хууль юм. 2003 онд нэгдмэл тогтолцоотой мэргэжлийн хяналтын ерөнхий газрыг байгууллагыг байгуулсан. 2003 онд байгуулагдсан төрийн хяналт шалгалт өнгөрсөн 20 жилийн хугацаанд нэгдмэл тогтолцоотой биш болсон. Тухайн үеийн 30 гаруй хяналт одоо 25 хяналтыг л хийдэг болсон. Мөн мэргэжлийн хяналтын байгууллага хуулиар хүлээдэггүй шинэ хяналтуудыг хийдэг болсон. Хамтарсан төрийн байгууллагуудын тушаал болон дүрэм журмаас болоод. Олон улсын туршлагыг судлахаар дэлхий дээр мэргэжлийн хяналтын нэгдмэл тогтолцоотой 3-4 орон л байгаа" гэж хариуллаа.
Г.Бүжинлхам