УИХ-ын чуулганы нэгдсэн хуралдаанаар Монгол Улсын нэгдсэн төсвийн 2023 оны төсвийн хүрээний мэдэгдлийг хэлэлцэж байна.
УИХ-ын гишүүн Б.Бэйсэн: Гадаад хүчин зүйлсээс болоод алдагдалтай төсөв баталж байгааг ойлгож байна. Гэхдээ эрүүл мэнд, боловсролын талаарх асуудалд анхаарахгүй бол болохгүй байна. Ялангуяа Багш нарт компьютерын хангалт муу байна. Эрүүл мэндийн салбарт сумууд дээр өрхийн эмнэлгүүд оношилгооны тоног төхөөрөмж дутагдалтай байна. Энэ дээр анхаарахгүй бол хотын эмнэлгүүд аймгийн эмнэлгүүдийн ачаалал ихсэх, хүндрэл үүсэх магадлалтай байна. Нөгөө талаараа чөлөөт бүсийн асуудал байна. Цагаан нуур Алтанбулаг зэрэг чөлөөт бүсүүдийг зүгээр л хашаад байж байна. Олон жил тэжээж байна. Сая цагаан нуур явсан. Хоосон хашаа л байна. Чөлөөт бүс дээр тодорхой хэмжээний хөрөнгө оруулалт хийхгүй бол болохгүй байна. Цагаан нуурын боомтоор нефт орж байна. Хүнсний бүтээгдэхүүн, барилгын материал, малын тэжээл орж байна. Чөлөөт бүсийг нэгтгээд гаалийн асуудлыг шийдэх боломжтой гэж харж байна” гэлээ.
Г.Бүжинлхам