УИХ-ын ээлжит чуулган өнөөдөр 10 цагт эхэллээ. Чуулганы ээлжит хуралдаанаар УИХ-ын гишүүн Б.Пүрэвдорж тэтгэврийн хэмжээ тогтоох хугацааг 7 биш 5 жилээр болгох санал гаргалаа.
Тэрбээр “2022 оны хоёрдугаар сарын 1- ний өдөр УИХ ээлжит бус чуулганаараа тэтгэврийн доод хэмжээг 500 мянган төгрөг болгосон. Тухайн үед энэ мэдээ сайн мэдээ байсан боловч өнөөдөр МУ –ын Засгийн газар эдийн засгийг буруу удирдаж, Монголбанк мөнгөний бодлогоо буруу явуулснаас бараа бүтээгдэхүүний үнэ нэмэгдэж ханш уналт бий болж, үүнээс болж тухайн үед хүмүүсийн 350 мянган төгрөгөөр авдаг бараа одоо 500 мянган төгрөгөөр авч хүрэхгүй шахуу байна. Энэ бол ахмадуудад маш том цохилт өгч байна. Нийт тэтгэвэрт гарч байгаа хүмүүсийн 80 орчим хувь нь тэтгэврийн доод хэмжээгээр тэтгэврээ бодуулж авч байна. 7 жил тогтвортой ажил хийх хүн алга. Мал эмнэлэгт насаараа өндөр цалин авч байгаад дунд нь ганцхан удаа 500 мянган төгрөгийн цалин авч байхад тэр хүний тэтгэвэр 24 мянган төгрөгөөр буурч байна. Тийм учраас тэтгэврийг тогтоохдоо 7 жилийн дунджаар биш 5 жилийн дунджаар болгож өөрчлөх шаардлагатай. Хөшөө дурсгал босгож байхын оронд амьд бурхад болсон ахмадууддаа хэдэн төгрөг харамлахгүй шийдвэрийг гаргаж өгөөч “ хэмээн хэллээ.
Г.Бүжинлхам
