Ойрын өдрүүдэд сургуулийн насны охидын аюулгүй байдалд халдсан үйлдлүүд ихээр гарах боллоо.Хоёрхон хоногийн өмнө гэхэд л Нийслэлийн 28 дугаар сургуулийн дунд ангийн гурван охиныг цагдаагийн нэр барьж сургуулиас нь авч явахыг завдсан хэрэг гарсан.Гэтэл өчигдөр орой бас нэгэн иргэн СХД-ийн 29 дүгээр хорооны сургууль орчим нүүрээ маскаар халхалсан, эрэгтэй бэлэг эрхтэнээ харуулан явж буйг анхааруулж, зургийг нь нийтэллээ.Тиймээс аав ээж, асран хамгаалагч нар бага болон өсвөр насны хүүхдүүддээ анхаарал тавьж гарч болзошгүй аюулаас урьдчилан сэргийлэхийг анхааруулж байна.
