Манай Улаанбаатар хотын хүн амын хэт бөөгнөрөл Сонгино хайрхан дүүрэг (320 мянга) мөн Баянзүрх дүүрэгт (340 мянга) ноогддог. Энэ 2 дүүргийн иргэд дээр бусад дүүргийн иргэд нэмэгдээд 1.6 сая болдог. Иргэд өдөртөө нэг удаа хотын төвөөрөө өөрийн машинаар зорчдог. Манай Улаанбаатар хотын нэг номерын асуудал хотын төвийн түгжрэл. 10 км-ын радиустай хотын төвдөө л түгжирдэг. Улаанбаатар хотод нийтийн тээврээр зорчих хүмүүсийн тоо хотын төвөөрөө бол хязгаарлагдмал. Бүх машинтай иргэд өөрийн машинаарaa зорчих сонирхолтой. Тиймээс бидний гол гарц бол замын хангамжыг нэмэгдүүлэх л асуудал.
Миний бие олон жил бичиж ирлээ. Энэ бол газрын доорх орон зайгаа ашиглаж Тунельжүүлэх бодлого. Энэ сүүлийн үед яригдаад байгаа асар өндөр өртөгтэй Хөнгөн галт тэрэг дэмий дээ.
1. Хүн суухгүй.
2. Хотын дуу чимээг асар ихээр нэмнэ.
3. Tээврийн шугам нь хүн ам бөөгнөрсөн дүүргүүдэд бус байна.
Нүхтээс сансар хүртэл тэгээд урд замаар бараг хүн зорчихгүй шүү! Гол гарц бол Төв замаа дагасан түнел хийж чадвал, нийт машины 40-60 хувь доогуур зорчиж эхэлбэл манайд байгаа автобусны тоо хангалттай болсон.
Улаанбаатар 400 мянга хүрэхгүй л авто машинтай хот. Хотын төвөөр газрын хөрснөөс 20-30 метрийн дор түнел хийж, гэрлэн дохиогүй шулуун замууд байгуулж чадвал мөн авто зогсоолууд хийж чадвал түгжрэл Баяртай болно гэж олон жил бичиж байна даа. Осло хот өвлийн хот. Тунельжүүлэлтээр дэлхийд тэргүүлж байна. Энэ бодлогоос л авч хэрэгжүүлвэл бид түгжрэлгүй магадгүй утаагүй ч болж болно. Түнел барихад зэрэгцээд агааржуулалтын мундаг системийг байгуулж, сэнсжүүлж агаарын урсгал бий болгодог. Норвеги улсад ирсэн албаныханд миний үзүүлэх дуртай зүйлийн нэг нь Ослогийн түнел. Бүгд л харцгаасан даа. Улаанбаатрын утаа, түгжрэлийг давхар шийдэх гарц Тунельжүүлэлт шүү!
Др. М. Найданхүү.
