Оросын зэвсэгт хүчин Украины чухал дэд бүтцэд хэд хэдэн удаа цохилт өглөө гэж БХЯ-ны албан ёсны төлөөлөгч дэслэгч генерал Игорь Конашенков өдөр тутмын хэвлэлийн бага хурлын үеэр сэтгүүлчдэд мэдэгдэв.
Батлан хамгаалах яамны хэвлэлийн төлөөлөгчийн хэлснээр, цохилтыг өндөр нарийвчлалтай алсын тусгалын агаарын болон далайд суурилсан зэвсгээр өгсөн байна. Энэ удаад цэргийн командын цэгүүд болон эрчим хүчний дэд бүтцийн байгууламжууд цохилтын бай болсон байна.
Конашенков хэлэхдээ, шинэ цохилтын бүх зорилго биелсэн. "Бүх томилогдсон байг оносон" гэжээ.
Мөн үүнтэй зэрэгцэн аравдугаар сарын 11-ний мягмар гарагийн өглөөнөөс хойш Украины зургаан бүс нутаг, тухайлбал Киев, Винница, Ровне, Днепропетровск, Одесса, Николаев муж, түүнчлэн Кривой Рог, Ивано-Франковск, Запорожье гэсэн гурван хот пуужингийн цохилтод өртсөн тухай Украины хэвлэл мэдээлжээ.
Түүнчлэн, олон бүс нутаг, тэр дундаа Киев болон Киев мужид цахилгаан эрчим хүчний хангамж хүндрэлтэй болоод байна.
Винница мужид Ладыжинскийн ДЦС-ын цахилгаан тоног төхөөрөмж эвдэрсэн байна. Үүнээс гадна цахилгаан эрчим хүчний хангамж тасалдсаны улмаас Украины хамгийн том уул уурхайн үйлдвэр болох төмрийн хүдэр үйлдвэрлэгчдийн нэг Феррекспогийн ажлыг түр зогсоожээ.
Эрх баригчдын мэдээлснээр, пуужингийн довтолгоонд дэд бүтцийн нэн чухал 29 объект өртсөн байна.
Эх сурвалж: Лента.ру
