Украины Ерөнхийлөгч Владимир Зеленский Германы канцлер Олаф Шольцтой G7-ийн уулзалтыг яаралтай хийх талаар тохиролцсон тухай РИА Новости мэдээллээ.
"Бид G7-ын дарга Германы канцлер Шольцтой бүлгийн яаралтай хуралдааны талаар тохиролцсон" гэж тэр хэлжээ.
Уулзалтаар Украины удирдагч үг хэлэхээр төлөвлөж байгааг тодотгосон байна. Нэмж дурдахад Зеленский Германы канцлертэй ОХУ-д үзүүлэх дарамт шахалтыг нэмэгдүүлэх талаар ярилцаж , мөн эвдэрсэн дэд бүтцийг сэргээхэд туслалцаа хүссэн байна.
Өмнө нь тэрбээр Киев болон бусад бүс нутагт цохилт өгсний дараа тус улсынхаа иргэдэд хандан үг хэлсэн юм. Түүний хэлснээр, бүгд найрамдах улс даяар агаарын дайралтын түгшүүр сэрэмжлүүлэг үргэлжилж байна.
10-р сарын 10-ны өглөө Киевийн янз бүрийн хэсэгт дэлбэрэлт болжээ. Үүнээс гадна Киев муж, түүнчлэн Хмельницкий, Тернополь, Днепр хотуудад дэлбэрэлт болсон тухай дурдсан байна. Харьков хот руу хийсэн агаарын дайралтын дараа бүхэлдээ цахилгаан эрчим хүчгүй болсон байна.
Үүнээс гадна Киевийн төвийн дүүргүүдэд дэлбэрэлт болсныг нийслэлийн захирагч Виталий Кличко баталжээ. Мөн Украины Аюулгүй байдлын албаны байр байрладаг хотын Володимирскийн гудамжинд пуужин унасан гэж мэдээлэв.
Эх сурвалж: Лента.ру
