Баянзүрх дүүрэгт өнгөрсөн шөнө төрсөн эцгийгээ онц хэрцгийгээр хөнөөсөн хэрэг гарчээ.
Хэргийн тухай мэдээлэл оройн 23.00 цагийн орчимд цагдаагийн байгууллагад ирсэн бөгөөд цагдаагийн алба хаагчдыг очих үед тус дүүргийн 22 дугаар хороонд оршин суух хаягтай 16 настай М гэгч нь төрсөн эцэгтэйгээ маргалдаж, хоолойн тус газарт нь найман удаа, хэвлийд нь нэг удаа хутгалж амь насыг нь хохироосон болох нь тогтоогдоод байгаа аж. Тухайн хэрэг үйлдэгч нь согтууруулах ундаа хэрэглэсэн байжээ. Хэргийг мөрдөх үйл ажиллагаа үргэлжилж байна.
