Aфганистан улсын гадаад өр 1.3 тэрбум доллар хүрсэн тул Хятад улс зээл өгч туслах санал тавьсан ч татгалзсан хариу сонслоо. Aфганистан улсын ерөнхийлөгч өчигдөр хэдий улс орон нь хэцүү байдалд байгаа ч хятад улсаас ямар ч тусламж нэртэй зээл авахгүй гэдгээ ил тодоор илэрхийлэв. Мьянмарын улс мөн хятад улсаас санал болгосон зээлийг авахгүй гэж шууд татгалзлаа. Тус улс олон жилийн турш нэг намын дарангуйлалд байсан бөгөөд төрийн удирдах албаныхан шалтгаангүйгээр цэргийн цол хэргэм хүртдэг байв. Ард түмнээ армийн хүчээр барьж байсан энэ нам Хятад улсаас тусламж нэрээр хөтөлбөргүй их зээл авсан аж.
Үүний уршгаар Мьянмарын улс Хятад улсад 10 тэрбумын өртэй болж оронд нь өр зээлийн гэрээгээр хятадын олон жижиг компаниуд орж ирсэн нь тус улсыг хөл толгойгүй үймээнд оруулжээ.Мьянмарын Хлайнтхая хотын гудамжууд хатуу ширүүн, тааламжгүй гэдгээрээ алдартай.Янгон хотын баруун захад орших тус тосгон нь тус улсын хамгийн том, хамгийн олон хүн амтай хотуудын нэг бөгөөд 67 хавтгай дөрвөлжин километр газар нутагтай нь бараг 700,000 оршин суугчтай бөгөөд тэдний бараг тал хувь нь 850 орчим үйлдвэрт ажилладаг. Тэдгээр ажилчдын олонх нь хөдөөнийхөн байсан бөгөөд газар нутаг, мал, ногооны талбай зэргээ алдаснаас болж ядууран аргагүйн эрхэнд ядуурлаас мултрахын тулд хөдөөнөөс шилжин ирсэн.
Гэвч хотын амьдралд ирээд бүр үгээгүй ядуусын тоонд орон хятад эзэдтэй үйлдвэрт ажиллах болж байнгын аюул заналхийл дор амьдрах болжээ.Өнгөрсөн хугацаанд эдгээр ажилчидын амьдрал хүчирхийлэл үйлддэг цагдаагийн хяналтан дор айдастай өнгөрчээ. Олон жил төрийн эрхийг барьсан намын бүлэглэл энэ орныг ийм болгосон бөгөөд төрд байх хугацаандаа хамгийн их өр зээл тавьжээ. Энэ төрд бугшсан бүлгээс Мьянмарын ард түмэн цус урсган байж салсан ч тэдний төрд сууж байх хугацаандаа тавьсан өр зээлийг төлөх гэж зүдэрч байна. Хэдий тийм боловч төр бариад удаагүй засаг хятад улсын зээлээс татгалзаж чадсан нь тус улсын тусгаар тогтнолыг хамгаалах том алхам гэж үнэлэгдэлээ. Enita SandalwoodLikeCommentShare
