Улсын Их Хурлын намрын ээлжит чуулганаар Монгол Улсын 2023 оны төсвийн төслийг хэлэлцэж байна.
Сангийн сайд Б.Жавхлан "Манай улс 3,3 сая хүн амтай. Нийт газар нутгийнхаа 0,3 хувь дээр бөөгнөрч амьдардаг. Нэг хувьд нь ч хүрэхгүй газар дээрээ тал хүн ам нь байршиж байгаа нь хөгжлийн тэнцвэрт бус байдалтай холбоотой. Тиймээс үүнийг шинэ сэргэлтийн бодлогын нэг том бодлого гэж үзэж байгаа. Яагаад нүүдэл орон нутгаас УБ-луу чиглээд байна. Яагаад УБ-аас орон нутаг руу нүүдэл бий болохгүй байна. Ингээд судлахаар өмчийн харилцааны асуудал нэг номерт яригдаж байна. Монголын иргэн бүр нэг удаа үнэгүй газар эзэмших эрх үүссэн. Энэ нь УБ-ын бүсэд иргэд бөөгнөрөх, шигдэх үндэс болоод байна. Тиймээс хөдөө оршин суух хүсэлтэй иргэдэд энэ боломжийг ахин нэг удаа олгоё гэсэн ийм шийдлийг санал болгож байгаа. Төсвийн орлогод нөлөөлөх хэмжээнд, эсвэл төсвийн орлогоо алдах хэмжээнд шийдвэр гаргахаас илүү хөгжлийн бодлогын асуудлаа нэгт тавьж оруулж байгаа" гэв.
Г.Бүжинлхам
