УИХ-ын чуулган үргэлжилж байна. Боловсролын салбарт хэрэгжүүлж буй шинэчлэл, үр дүн сэдвээр гишүүд хэлэлцэж байна.
БШУ-ны сайд Л.Энх-Амгалан: Төр өөрөө багш нарын компьютерын асуудлыг шийднэ гэх юм бол энэ хэзээ ч шийдэгдэхгүй. 180 орчим тэрбум төгрөгийн шаардлагатай. Энэ бол маш их хэмжээний мөнгө. Гэхдээ багш нарын компьютерын хангалтыг 2 арга замаар зохицуулж болно гэж бодож байна. Нэгдүгээрт, УИХ-д хэлэлцэж байгаа төр хувийн хэвшлийн түншлэлийн хууль гарахаар компьютер нийлүүлдэг компаниудтай санхүүгийн түрээс хийж болох юм. Яагаад гэвэл компьютер өөрөө хурдан хоцрогддог эдлэгддэг. Тиймээс 3,4 жилд санхүүгийн түрээс хийгээд зөвхөн түрээснийхээ зардлыг төлдөг болгож болно. Төлбөрийг нэг хүүхдийг сургах хувьсах зардлын төсөвт оруулах нэг шийдэл байна. Нөгөө шийдэл нь Говь-Алтай аймгийн засаг даргаас эхлүүлсэн маш сайн шийдэл байна. Сум бүр дээр жил бүр хуваарилагдан сумын хөгжлийн мөнгөө тухайн суман дээр байгаа багш нартаа 60 багш байлаа гэхэд нэг багшид нэг сая төгрөг шийдээд багш нараа бүрэн компьютертой болгож болно. Нэг жил 60 сая төгрөгийн нэг худаг шийдэх үү, эсвэл суман дээр байгаа 60 багшийгаа компьютерыг шийдэх үү. Энэ аргыг манай улсын 6 аймаг амжилттай хэрэгжүүлж байна.” гэлээ.
Г.Бүжинлхам